وتباسى بانك Green Awards 2025 سالالىق سىيلىعىنىڭ «ماڭىزدى سەرىكتەستىك» نوميناسياسى بويىنشا جەڭىمپاز اتاندى، دەپ حابارلايدى Dalanews.kz.
بانك جاسىل قۇرىلىس سالاسىن دامىتۋدىڭ جانە «جاسىل يپوتەكا» باعدارلاماسىن ىلگەرىلەتۋدەگى ەلەۋلى ۇلەسى ءۇشىن ماراپاتتالدى. بۇل باعدارلاما قازاقستانداعى تۇرعىن ءۇي سەكتورىن تۇراقتى دامىتۋعا باعىتتالعان.
سىيلىقتى قازاقستاننىڭ جاسىل قۇرىلىس كەڭەسى (KazGBC) ءتوراعاسى دانيار ازىمحانوۆ Green Build Central Asia 2025 مەرەيتويلىق فورۋمىندا تابىس ەتتى. بۇل شارا قۇرىلىس سالاسىنىڭ جەتەكشى وكىلدەرىن، قارجى ينستيتۋتتارىن، مەملەكەتتىك ورگاندار مەن جوعارى وقۋ ورىندارىن، سونداي-اق حالىقارالىق ۇيىمداردى بىرىكتىردى.
«وتباسى بانكتىڭ «جاسىل يپوتەكا» باعدارلاماسى - ESG پرينسيپتەرىنىڭ ناقتى جۇزەگە اسۋى. بۇل ءبىز ءۇشىن دامۋ ستراتەگياسىنىڭ ماڭىزدى بولىگى. ەكولوگيالىق تازالىق ءقازىر تۇرعىن ءۇيدىڭ قولجەتىمدىلىگى مەن ساپاسى سياقتى قالىپتى جاعدايعا اينالدى. ءبىزدىڭ پيلوتتىق ءونىمىمىز كورسەتكەندەي، قازاقستاندىقتار ەنەرگيانى ۇنەمدەيتىن جانە ەكولوگيالىق تازا ۇيلەردى تاڭداۋعا دايىن، ال نارىق ازاماتتاردىڭ سۇرانىسىنا قاراي وزگەرۋگە بەيىم. ءبىز ءقاۋىپسىز جانە تۇراقتى قالالىق ورتا قۇراتىن قۇرىلىس كومپانيالارىن قولدايمىز جانە كليەنتتەرىمىزگە وسىنداي ۇيلەردى تاڭداۋعا ارنالعان قولجەتىمدى قۇرالدار ۇسىنامىز. KazGBC سىيلىعى ءبىز دۇرىس باعىتتا جۇرگەنىمىزدى جانە ەلدىڭ جاسىل ەكونوميكاسىن دامىتۋعا ناقتى ۇلەس قوسىپ وتىرعانىمىزدى راستايدى»، – دەدى «وتباسى بانك» اق باسقارما ءتوراعاسىنىڭ ورىنباسارى ءاليا ايداربەكوۆا.
وتباسى بانك «جاسىل يپوتەكا» باعدارلاماسى بويىنشا قارىز بەرۋدى 2023 جىلدان باستاپ جۇرگىزىپ كەلەدى. جوبانى بان قارجىلاندىرادى. بۇل قاراجات سۇرانىسقا بايلانىستى «جاسىل» پاتەرلەردى جۇزەگە اسىرۋ بويىنشا قۇرىلىس كومپانيالارى بار وڭىرلەرگە بولىنەدى.
«جاسىل» دەپ حالىقارالىق سەرتيفيكاتتاردان وتكەن تۇرعىن ءۇي سانالادى – گوست ر، LEED، BREEAM نەمەسە قازاقستان ستاندارتتارى بويىنشا – OMIR. قازاقستانداعى OMIR ستاندارتى KazGBC – جاسىل قۇرىلىس كەڭەسى ارقىلى بەرىلەدى.
جوبا گەوگرافياسىنا استانا، الماتى، شىمكەنت، قوسشى، تۇركىستان قالالارى جانە شىعىس قازاقستان، اباي، جەتىسۋ، الماتى جانە اقتوبە وبلىستارى كىرەدى.
«جاسىل يپوتەكا» باعدارلاماسى اياسىندا تۇرعىن ءۇي نىساندارىنىڭ قۇنى نارىقتىق باعامەن انىقتالادى. باعدارلامانىڭ ارتىقشىلىعى – تومەن باستاپقى جارنا جانە تۇرعىن ءۇيدىڭ مەنشىكتە بولۋى نەمەسە تىركەلگەن جەرى بولۋ تالابىنىڭ بولماۋى.
2025 جىلى وتباسى بانك 570 نەسيە بەرىپ، جالپىسوماسى 14،7 ميلليارد تەڭگەگە جەتتى. ەڭ كوپ تۇرعىن ءۇياستانا قالاسىندا بەرىلدى.
بۇگىنگى كۇنگە دەيىن، 2023 جىلدان باستاپ، جالپى 1 825 نەسيە بەرىلىپ، ونىڭ جالپى سوماسى 46،1 ميلليارد تەڭگەگە جەتتى.
