Gvardeisk garnizonyndaǵy áskeri bólimde bolǵan oqiǵaǵa qatysty kadrlyq sheshimder qabyldandy, dep habarlaidy Dalanews.kz.
Qorǵanys ministrligi málimetinshe, Gvardeisk garnizonyndaǵy áskeri bólimderdiń birinde merzimdi qyzmet sarbazyna dene jaraqatyn keltirý deregi boiynsha qylmystyq is qozǵalǵan. Tergeý amaldary júrgizilip jatyr.
"Budan bólek laýazymdy adamdardyń áreketine quqyqtyq baǵa berilip, qyzmettik tekseris júrgizildi. Kadrlyq sheshim qabyldanyp, basshylyq quramyndaǵy tórt laýazymdy tulǵa – áskeri bólim komandiri, onyń tárbie jáne ideologiialyq jumys jónindegi orynbasary, batalon komandiri jáne rota komandiri qyzmetinen bosatyldy", - dep jazylǵan habarlamada.
Áskeri bólim komandiriniń orynbasary-shtab bastyǵyna, batalon komandiriniń orynbasaryna jáne onyń tárbie jumysy jónindegi orynbasaryna qyzmettik áreketke sáikes emes degen eskertý jariialanǵan. Birqatar ofitser men serjantqa qatań tártiptik jaza qoldanylǵan.
Eske salaiyq, buǵan deiin Qorǵanys ministrligi Otarda jaq súiegi synǵan merzimdi áskeri sarbaz Esbol Qapardyń densaýlyǵyna qatysty aqparat jariialady.
