Jambyl oblysynda, Qordaı aýdanyna qarasty Otar aýylynan bir shaqyrym jerde jol-kólik oqıǵasy bolyp, úsh adam túrli deńgeıde jaraqat aldy, dep habarlaıdy Dalanews.kz.

Tótenshe jaǵdaılar mınıstrliginiń málimetinshe, tas jolda jeńil avtokólik aýdarylǵan. Oqıǵa ornyna jedel jetken qutqarýshylar birden avarıalyq-qutqarý jumystaryna kirisken.

Kólik ishinde úsh adam bolǵan. Olardyń biri ózdiginen qozǵala almaǵandyqtan, qutqarýshylar zardap shegýshini zembilge salyp, jedel járdem kóligine jetkizgen.

Jaraqat alǵandardyń barlyǵy dárigerlerge tapsyrylyp, aýrýhanaǵa jatqyzyldy. Oqıǵanyń mán-jaıy anyqtalyp jatyr.