Qazaqstandyq avtomobıl ónerkásibi sońǵy jyldary ýtılalymy jáne bastapqy tirkeý tólem máselelerin belsendi talqylaýdyń arqasynda jiti nazar aýdaratyn nysanǵa aınaldy.
Degenmen, avtomobıl ónerkásibi ósý qarqynyn kórsetýde. Óndiris kólemi fızıkalyq mánde 19 ese ósti – 2016 jylǵy 7,8 myń birlikten 2023 jyldyń sońynda 148 myńǵa deıin.
Salany damytý boıynsha pármendi sharalardyń arqasynda otandyq taýar óndirýshiler resmı ótkizý naryǵynyń 71%-yn alyp otyr. Al Qazaqstannyń mashına jasaýdaǵy avtomobıl sektorynyń úlesi 2024 jyly 42% quraıdy.
Odan bólek, otandyq avtoónerkásibi odan ári damýǵa daıyn ekenin kórsetedi. Mysaly, 2023 jyldyń sońynda kólik óndirisi shamamen 148 myń danany qurady. Kórsetkishter 2022 jylmen salystyrǵanda 20%-ǵa ósti. Bul rette naryqtaǵy jańa avtokólikterdiń satylymy 190 myń danany qurady, bul 45%-dan astam ósimdi kórsetedi.
Óndirilgen barlyq jeli óndirýshilerdiń dılerlik jelisinde usynylǵan jáne qazaqstandyq naryqta tapshylyq joq ekenin aıta ketken jón. Satyp alýshylar úshin jeńildikti sharttarmen ártúrli nesıelik baǵdarlamalar, jeńildikter aksıalary jáne qolaıly bólip tóleý sharttaryn qarastyratyn arnaıy usynystar bar.
Ónerkásip jáne qurylys mınıstrligi 2027 jylǵa qaraı shaǵyn túıindi ádis boıynsha óndiris úlesin qaraı shyǵarylatyn kólikterdiń jalpy sanynyń 50%-ǵa deıin kezeń-kezeńimen arttyrýǵa qatysty avtoóndirýshilerge qoıylatyn talaptardy kúsheıtkenin esterińizge salamyz.
Bul shara tehnologıalyq operasıalardy tereńdetýge jáne qazaqstandyq quramdas bazany damytý úshin jaǵdaıdy jaqsartýǵa áser etedi.
Aldyn ala boljanǵan josparlardyń qatarynda 2025 jylǵa qaraı jeńil avtomobılder shyǵarý boıynsha úsh iri jobany iske qosý josparlanýda. Bul «KIA Qazaqstan», «Astana Motors Manufacturing Kazakhstan» jáne «Orbis Kazakhstan». Jobalar eksportqa baǵyttalǵan, óndiristik qýattylyǵy 240 myń birlik bolýy múmkin.
Sondaı-aq, kelesi jyldyń sońyna deıin óndiriletin ónimniń ózindik qunyn tómendetýge oń áserin tıgizetin jınaqtaýshy buıymdardy óndirý boıynsha 10 jobany júzege asyrý josparlanýda.
Osylaısha, qazaqstandyq avtomobıl ónerkásibiniń damýy ekonomıkanyń basym sektorlarynyń birine aınalý satysynda. Bul sala ekonomıkalyq táýelsizdikke qol jetkizýge jáne Qazaqstannyń barlyq azamattarynyń sapaly bolashaǵyn qamtamasyz etýge baǵyttalǵan.
