قازاقستاندىق اۆتوموبيل ونەركاسىبى سوڭعى جىلدارى ۋتيلالىمى جانە باستاپقى تىركەۋ تولەم ماسەلەلەرىن بەلسەندى تالقىلاۋدىڭ ارقاسىندا ءجىتى نازار اۋداراتىن نىسانعا اينالدى.
دەگەنمەن، اۆتوموبيل ونەركاسىبى ءوسۋ قارقىنىن كورسەتۋدە. ءوندىرىس كولەمى فيزيكالىق ماندە 19 ەسە ءوستى – 2016 جىلعى 7،8 مىڭ بىرلىكتەن 2023 جىلدىڭ سوڭىندا 148 مىڭعا دەيىن.
سالانى دامىتۋ بويىنشا پارمەندى شارالاردىڭ ارقاسىندا وتاندىق تاۋار وندىرۋشىلەر رەسمي وتكىزۋ نارىعىنىڭ 71%-ىن الىپ وتىر. ال قازاقستاننىڭ ماشينا جاساۋداعى اۆتوموبيل سەكتورىنىڭ ۇلەسى 2024 جىلى 42% قۇرايدى.
ودان بولەك، وتاندىق اۆتوونەركاسىبى ودان ءارى دامۋعا دايىن ەكەنىن كورسەتەدى. مىسالى، 2023 جىلدىڭ سوڭىندا كولىك ءوندىرىسى شامامەن 148 مىڭ دانانى قۇرادى. كورسەتكىشتەر 2022 جىلمەن سالىستىرعاندا 20%-عا ءوستى. بۇل رەتتە نارىقتاعى جاڭا اۆتوكولىكتەردىڭ ساتىلىمى 190 مىڭ دانانى قۇرادى، بۇل 45%-دان استام ءوسىمدى كورسەتەدى.
وندىرىلگەن بارلىق جەلى وندىرۋشىلەردىڭ ديلەرلىك جەلىسىندە ۇسىنىلعان جانە قازاقستاندىق نارىقتا تاپشىلىق جوق ەكەنىن ايتا كەتكەن ءجون. ساتىپ الۋشىلار ءۇشىن جەڭىلدىكتى شارتتارمەن ءارتۇرلى نەسيەلىك باعدارلامالار، جەڭىلدىكتەر اكسيالارى جانە قولايلى ءبولىپ تولەۋ شارتتارىن قاراستىراتىن ارنايى ۇسىنىستار بار.
ونەركاسىپ جانە قۇرىلىس مينيسترلىگى 2027 جىلعا قاراي شاعىن ءتۇيىندى ءادىس بويىنشا ءوندىرىس ۇلەسىن قاراي شىعارىلاتىن كولىكتەردىڭ جالپى سانىنىڭ 50%-عا دەيىن كەزەڭ-كەزەڭىمەن ارتتىرۋعا قاتىستى اۆتووندىرۋشىلەرگە قويىلاتىن تالاپتاردى كۇشەيتكەنىن ەستەرىڭىزگە سالامىز.
بۇل شارا تەحنولوگيالىق وپەراسيالاردى تەرەڭدەتۋگە جانە قازاقستاندىق قۇرامداس بازانى دامىتۋ ءۇشىن جاعدايدى جاقسارتۋعا اسەر ەتەدى.
الدىن الا بولجانعان جوسپارلاردىڭ قاتارىندا 2025 جىلعا قاراي جەڭىل اۆتوموبيلدەر شىعارۋ بويىنشا ءۇش ءىرى جوبانى ىسكە قوسۋ جوسپارلانۋدا. بۇل «KIA Qazaqstan»، «Astana Motors Manufacturing Kazakhstan» جانە «Orbis Kazakhstan». جوبالار ەكسپورتقا باعىتتالعان، وندىرىستىك قۋاتتىلىعى 240 مىڭ بىرلىك بولۋى مۇمكىن.
سونداي-اق، كەلەسى جىلدىڭ سوڭىنا دەيىن وندىرىلەتىن ءونىمنىڭ وزىندىك قۇنىن تومەندەتۋگە وڭ اسەرىن تيگىزەتىن جيناقتاۋشى بۇيىمداردى ءوندىرۋ بويىنشا 10 جوبانى جۇزەگە اسىرۋ جوسپارلانۋدا.
وسىلايشا، قازاقستاندىق اۆتوموبيل ونەركاسىبىنىڭ دامۋى ەكونوميكانىڭ باسىم سەكتورلارىنىڭ بىرىنە اينالۋ ساتىسىندا. بۇل سالا ەكونوميكالىق تاۋەلسىزدىككە قول جەتكىزۋگە جانە قازاقستاننىڭ بارلىق ازاماتتارىنىڭ ساپالى بولاشاعىن قامتاماسىز ەتۋگە باعىتتالعان.
