Shyǵys Qazaqstan oblysy ákiminiń birinshi orynbasary qyzmetine Óskemenniń burynǵy ákimi Jaqsylyq Omar taǵaıyndaldy, dep habarlaıdy Dalanews.kz.
“Ol memlekettik qyzmettegi mansabyn jalǵastyryp, óńirdiń áleýmettik-ekonomıkalyq damýyna basymdyq bermek. Ártúrli salada jınaǵan mol tájirıbesi Shyǵys Qazaqstannyń ınfraqurylymyn jańǵyrtýǵa jáne ınvestısıalyq ahýalyn jaqsartýǵa oń yqpal etedi dep kútemiz”, — delingen habarlamada.
Aıta keteıik, Jaqsylyq Omar qala ákimi bolyp uzaq jyl qyzmet etken kezeńde birqatar bastamasymen kózge tústi. Atap aıtqanda, Óskemen qalasynyń jol logıstıkasyna oń jaqty burylystar júıesin engizý, avtobýs parkin jańartý jumystaryn bastaý, birneshe ondaǵan jylda alǵash ret jańa tramvaılardy ákelý, sol jaǵalaýda keshendi qurylys qaǵıdatymen jańa shaǵynaýdandar salý, turǵyndarmen birlesip jol jóndeý josparlaryn jasaýǵa arnalǵan Telegram-bot engizý, sondaı-aq erekshe balalarǵa arnalǵan alǵashqy memlekettik ortalyqty "Úlbi" ortalyǵy bazasynda ashý syndy jobalar júzege asty.
