Óskemenniń bas imamy Muhatai Ermek qajy karatinge bailanysty meshitterde ait namazy oqylmaitynyn aitty
Aǵymdaǵy jyly qurbandyqqa shalynatyn maldy onlain tapsyrys berý arqyly qashyqtyqtan shalýǵa bolady. Ol úshin Qurban2020.kz saityna kirip, iri nemese usaq maldy tańdap, tiisti aqysy tólenedi. Keiin maldyń soiylǵany jaily aqparatty ózińizge jiberedi. Brifingke qatysqan bas imam osylai dedi.
Muhatai Ermek qajy Tasbolatulynyń aitýynsha, 30 shilde – Arapa kúni, 31 shilde men 1-2 tamyz kúnderi – Qurban ait.
– Arapa kúni oraza tutýǵa bolady. Qurban aitta aqsaq,aýrý nemese soqyr maldy soiýǵa bolmaidy. 1 jasqa tolǵan qoi men eshkini nememe 6 aiǵa tolǵan dene bitimi iri semiz toqty,2 jasar siyrdy, 5 jasar túieni qurbandyqqa shalýǵa ruqsat etiledi, – dedi Ermek qajy Muhatai.
Brifing barysynda bas imam óńir turǵyndaryn ait kezinde qonaqqa barmai, úide otyryp, karantin rejimin saqtaýǵa shaqyrdy.
Jýranlistermen júzdesken Shyǵys Qazaqstan oblysy Óskemen óńiriniń bas imamy Muhatai Ermek qajy Tasbolatuly pandemiia kezinde jerleý rásimi men as berý týraly suraqqa jaýap berdi.
Bas imamnyń aitýynsha, jerleý rásimi barysynda kóp adam jinalýǵa bolmaidy. Árine, halyq kóńil aitqysy keledi. Alaida qazirgi jaǵdaiǵa bailanysty telefon arqyly kóńil aitýǵa bolady. Bul pandemiianyń keńinen taralmaýyna múmkindik beredi. Jerleý rásimine 10 adamnan artyq qatysýǵa bolmaidy. Duǵa jasaýǵa 5 minýt beriledi. Bul kezde barlyq sanitarlyq talaptar saqtalýy tiis.
