ٶسكەمەننٸڭ باس يمامى مۇحاتاي ەرمەك قاجى كاراتينگە بايلانىستى مەشٸتتەردە ايت نامازى وقىلمايتىنىن ايتتى
اعىمداعى جىلى قۇرباندىققا شالىناتىن مالدى ونلاين تاپسىرىس بەرۋ ارقىلى قاشىقتىقتان شالۋعا بولادى. ول ٷشٸن Qurban2020.kz سايتىنا كٸرٸپ, ٸرٸ نەمەسە ۇساق مالدى تاڭداپ, تيٸستٸ اقىسى تٶلەنەدٸ. كەيٸن مالدىڭ سويىلعانى جايلى اقپاراتتى ٶزٸڭٸزگە جٸبەرەدٸ. بريفينگكە قاتىسقان باس يمام وسىلاي دەدٸ.
مۇحاتاي ەرمەك قاجى تاسبولاتۇلىنىڭ ايتۋىنشا, 30 شٸلدە – اراپا كٷنٸ, 31 شٸلدە مەن 1-2 تامىز كٷندەرٸ – قۇربان ايت.
– اراپا كٷنٸ ورازا تۇتۋعا بولادى. قۇربان ايتتا اقساق,اۋرۋ نەمەسە سوقىر مالدى سويۋعا بولمايدى. 1 جاسقا تولعان قوي مەن ەشكٸنٸ نەمەمە 6 ايعا تولعان دەنە بٸتٸمٸ ٸرٸ سەمٸز توقتى,2 جاسار سيىردى, 5 جاسار تٷيەنٸ قۇرباندىققا شالۋعا رۇقسات ەتٸلەدٸ, – دەدٸ ەرمەك قاجى مۇحاتاي.
بريفينگ بارىسىندا باس يمام ٶڭٸر تۇرعىندارىن ايت كەزٸندە قوناققا بارماي, ٷيدە وتىرىپ, كارانتين رەجيمٸن ساقتاۋعا شاقىردى.
جۋرانليستەرمەن جٷزدەسكەن شىعىس قازاقستان وبلىسى ٶسكەمەن ٶڭٸرٸنٸڭ باس يمامى مۇحاتاي ەرمەك قاجى تاسبولاتۇلى پاندەمييا كەزٸندە جەرلەۋ رەسٸمٸ مەن اس بەرۋ تۋرالى سۇراققا جاۋاپ بەردٸ.
باس يمامنىڭ ايتۋىنشا, جەرلەۋ رەسٸمٸ بارىسىندا كٶپ ادام جينالۋعا بولمايدى. ەرينە, حالىق كٶڭٸل ايتقىسى كەلەدٸ. الايدا قازٸرگٸ جاعدايعا بايلانىستى تەلەفون ارقىلى كٶڭٸل ايتۋعا بولادى. بۇل پاندەمييانىڭ كەڭٸنەن تارالماۋىنا مٷمكٸندٸك بەرەدٸ. جەرلەۋ رەسٸمٸنە 10 ادامنان ارتىق قاتىسۋعا بولمايدى. دۇعا جاساۋعا 5 مينۋت بەرٸلەدٸ. بۇل كەزدە بارلىق سانيتارلىق تالاپتار ساقتالۋى تيٸس.
