Óskemen qalasynyń turǵyndary saǵat tilin keri jyljytýǵa qarsy. Jergilikti halyq onsyz da tań erte atyp, kún erte batatynyn málimdedi, dep habarlaidy Dalanews.kz KTK arnasyna silteme jasap.
Biyl elimizdiń 15 óńirinde saǵat tilin keri jyljytýǵa sheshim qabyldandy. 29 aqpannan 1 naýryzǵa qaraǵan túni ýaqyt bir saǵatqa keiin shegeriledi. Óskemendikter onsyz da tańnyń erte atyp, kúnniń erte batatynyn aityp otyr. Qazirdiń ózinde qystyń kúni shyǵysta keshki saǵat beste qarańǵy túsedi. Bir saǵatqa keri shegerse, keshki tórtte úide sham jaǵýǵa týra keledi. Al túngi saǵat 2:00-de tań atady. Sondyqtan qoǵamdyq talqylaýǵa kelgenderdiń kóbisi basqa saǵat beldeýine aýyspaýdy talap etti.
"Bir saǵat keri jyljysaq, bul bizge qolaisyz. Óitkeni jumystan qarańǵyda shyǵamyz. Onsyz da kún shyǵystan shyqqandyqtan, tań erte atady. Al kún tez batady. Keshirińizder, sonda qarańǵyda jumystan kelip, baý-baqshany sýǵarýdyń ózi qolaisyz", - deidi Olga Savinova.
Alaida mamandar ýaqytty keri jyljytý densaýlyqqa paidaly dep otyr. Tipti, miymyz tynyǵyp, naýqas sany kemidi deidi.
"Birinshi kezekte bala densaýlyǵyna jaqsy. Biz qazir bala ashýshań deimiz.Ne sebepti ashýshań? Óitkeni biz balalardy oianbai turyp, tań aldynda májbúrlep sabaqqa otyrǵyzamyz. Ol balanyń jaǵdaiy qandai bolatynyn bilesiz. Ekinshi másele, onkologiialyq aýrýlarda osynyń úlesi az emes. Úshinshi másele — jol apattary", - dep atap kórsetti jumys tobynyń múshesi Bolat Nurǵojaev.
