وسكەمەن قالاسىنىڭ تۇرعىندارى ساعات ءتىلىن كەرى جىلجىتۋعا قارسى. جەرگىلىكتى حالىق ونسىز دا تاڭ ەرتە اتىپ، كۇن ەرتە باتاتىنىن مالىمدەدى، دەپ حابارلايدى  Dalanews.kz  كتك ارناسىنا سىلتەمە جاساپ.

بيىل ەلىمىزدىڭ 15 وڭىرىندە ساعات ءتىلىن كەرى جىلجىتۋعا شەشىم قابىلداندى. 29 اقپاننان 1 ناۋرىزعا قاراعان ءتۇنى ۋاقىت ءبىر ساعاتقا كەيىن شەگەرىلەدى. وسكەمەندىكتەر ونسىز دا تاڭنىڭ ەرتە اتىپ، كۇننىڭ ەرتە باتاتىنىن ايتىپ وتىر. ءقازىردىڭ وزىندە قىستىڭ كۇنى شىعىستا كەشكى ساعات بەستە قاراڭعى تۇسەدى. ءبىر ساعاتقا كەرى شەگەرسە، كەشكى تورتتە ۇيدە شام جاعۋعا تۋرا كەلەدى. ال تۇنگى ساعات 2:00-دە تاڭ اتادى. سوندىقتان قوعامدىق تالقىلاۋعا كەلگەندەردىڭ كوبىسى باسقا ساعات بەلدەۋىنە اۋىسپاۋدى تالاپ ەتتى.

"ءبىر ساعات كەرى جىلجىساق، بۇل بىزگە قولايسىز. ويتكەنى جۇمىستان قاراڭعىدا شىعامىز. ونسىز دا كۇن شىعىستان شىققاندىقتان، تاڭ ەرتە اتادى. ال كۇن تەز باتادى. كەشىرىڭىزدەر، سوندا قاراڭعىدا جۇمىستان كەلىپ، باۋ-باقشانى سۋعارۋدىڭ ءوزى قولايسىز"، - دەيدى ولگا ساۆينوۆا.

الايدا ماماندار ۋاقىتتى كەرى جىلجىتۋ دەنساۋلىققا پايدالى دەپ وتىر. ءتىپتى، ميىمىز تىنىعىپ، ناۋقاس سانى كەميدى دەيدى.

"ءبىرىنشى كەزەكتە بالا دەنساۋلىعىنا جاقسى. ءبىز ءقازىر بالا اشۋشاڭ دەيمىز.نە سەبەپتى اشۋشاڭ؟ ويتكەنى ءبىز بالالاردى ويانباي تۇرىپ، تاڭ الدىندا ماجبۇرلەپ ساباققا وتىرعىزامىز. ول بالانىڭ جاعدايى قانداي بولاتىنىن بىلەسىز. ەكىنشى ماسەلە، ونكولوگيالىق اۋرۋلاردا وسىنىڭ ۇلەسى از ەمەس. ءۇشىنشى ماسەلە — جول اپاتتارى"، - دەپ اتاپ كورسەتتى جۇمىس توبىنىڭ مۇشەسى بولات نۇرعوجايەۆ.