Oblys ortalyǵynda aımaqtaǵy aqparattyq-kommýnıkasıalyq tehnologıalardy meńgerýge den qoıǵan jastar arasynda VII oblystyq IT-festıvali ótti. Munda óńirdegi mektep oqýshylarymen qatar, kolej, JOO-nyń stýdentteri kelip, ózderiniń ǵylymı jobalarymen tanystyrýda.
Uıymdastyrýshylardyń aıtýynsha, osy jyly IT-festıvaldiń aýqymy kóp artqan.
Kórermender vırtýaldy shyndyq kózildirigin kıý arqyly ınovasıalyq 3D-kitaptardy paraqtap, robot-gıdpen sóılesýge múmkindik aldy7 Al 200-ge tarta qatysýshy 95 zamaýı IT jobalaryn «Meıkerlik», «Junior Skills», «Startup-jobalar», «ClusterPro» jáne robopolıgonda sektorlarynda kórermen nazaryna usyndy.
Jas ónertapqyshtardyń jobalalary tańdaıqaǵarlyq qana emes, turmysta paıdaly ári ózekti bolyp shyqty. Mysaly Úrjar aýdanynan kelgen Ersin Tileýǵabyl kórý qabileti tómen jandarǵa arnalǵan arnaıy qurylǵy oılap tapqan.
Ereksheligi – adam qolyna kıý arqyly aldynda turǵan qanda nysan ekenin anyqtaıdy. Odan bólek, onyń baǵasy da qoljetimdi kórinedi. Jas ónertapqyshtyń aıtýynsha, mundaı ıdeıany ózi oılap, keıin jetekshisi ekeýi qolǵa alǵan eken. Sondaı aq, Semeıdegi erlerge arnalǵan «Jas Ulan» lıseıiniń kadetteri Dildar Nursultan men Ańsar Qusaınov ekzoqańqanyń óz modelin oılap tapqan. Onyń biregeı tehnologıasy qutqarýshylarǵa apatty jaǵdaılarda ondaǵan adamdy almastyrýǵa múmkindik beredi.
Kórmege qoıylǵan jas ónertapqyshtardyń zamanaýı jobalaryna SHQO ákimi Danıal Ahmetov joǵary baǵa berdi.
100-ge tarta jobanyń ishinde aımaq basshysy atap ótken eki joba - robot-manıpýlátor men ınternetsiz jumys isteı alatyn qazaq-latyn áripin túrlendirgish qosalqy baǵdarlamasy boldy.
Olardyń avtorlary oblystyq fızıka, matematıka jáne ınformatıka boıynsha daryndy balalarǵa arnalǵan arnaıy mektep-lıseıiniń oqýshylary Nıkıta Pátkov, Vácheslav Tregýb, Iskander Chadoev jáne Zaısannan kelgen Dana Árimjanova.
– Osyndaı jobalardy jasaı otyryp sender jańa bilimge jol ashyp qana qoımaısyńdar. Sender osylaısha ózderińniń de bizdiń de bolashaǵymyzǵa jol ashasyńdar. Durys baǵyttasyńdar! Bul festıvál jarqyn is –shara bolyp, kreatıvti jastarǵa mol múmkindikter beredi degen oıdamyn,-dedi óz sózinde aımaq basshysy Danıal Ahmetov.
Shara qorytyndysy boıynsha táýelsiz sarapshylar «Úzdik İT-joba» jáne «Kórermender kózaıymy» júldesin onlaın-daýys berý arqyly anyqtady. Bul atalymǵa Jarma aýdanynyń Karelın P.G. atyndaǵy orta mektebi oqýshysy Ańsar Meıramhanov laıyq boldy.
Al bas júldeni Álı Berdibek (Shákárim atyndaǵy #1orta mektep, Óskemen) smart –besik, 1 oryn Nadejda Zakýsılova (#4 orta mektep, Óskemen) 21 ǵasyr mektep portfeli, 2 oryndy Álisher Máýletov, İlıas Zakarıanov (Úsh tildi bilim beretin Shákárim atyndaǵy kópsalaly gımnazıasy, Semeı) «Teńge alý» kompúterlik oıyny, 3 oryndy Qymbat Jeńishan (S.Amanjolov atyndaǵy SHQMÝ, Óskemen) logopedtik trenajer jobasymen ıelendi.
Aıta ketý kerek, aǵymdaǵy jyly kúzde oblys ortalyǵynda halyqaralyq İT Forým ótedi. Byltyrǵy jylǵydaı oqýshylar men stýdentter jáne İT kompanıalardyń óz jobalalaryn usynýǵa jaǵdaı jasalady. Al úzdik jobalarǵa aımaqtyń áleýmettik-ekonomıkalyq salasyn damytýǵa úles qosý úshin granttar bólinbek.
