Óskemende úzdik áskeri qyzmetkerler marapattaldy
QR Ulttyq Ulan «Shyǵys» óńirlik qolbasshylyǵynyń 5518 áskeri bólimi ótkizgen sharaǵa 500-den astam áskeri qyzmetkerler men olardyń týǵan týystary qatysty. Birqatar ofitserge «Ulttyq Ulanǵa 25 jyl», «Ulttyq Ulannyń úzdigi» tósbelgileri, alǵys hattar tapsyryldy. Bólim basshylyǵy uzaq jyldar boiy Óńirlik qolbasshylyq sapynda qyzmet etken ardagerlerdi de kóńilden tys qaldyrmaǵan.
– Uly Otan soǵysy jyldarynda Shyǵys Qazaqstannan 90 myńǵa jýyq er-azamattar shaiqas alańyna attandyryldy. Otan úshin ot keship, maidan dalasynda eli úshin shaiqasqan batyrlar qazirde qazaq jastaryna erlik pen qaisarlyqtyń úlgisi bolyp keledi. Táýelsizdik jyldarynda elimizde qurylǵyn Ulttyq Ulannyń sapynan da birneshe sarbazdar men ofitserler erligimen kózge tústi, – dedi QR Ulttyq Ulan «Shyǵys» Óńirlik qolbasshylyǵy qolbasshysynyń orynbasary polkovnik Niiaztai Álkeshov.
Aita ketsek, birer kún buryn «Shyǵys» Óńirlik qolbasshylyǵy jergilikti BAQ ókilderi úshin «Áskerdegi bir kún» sharasyn uiymdastardy. Atalǵan shara barysynda tilshiler Otan aldyndaǵy boryshyn ótep júrgen sarbazdardyń bir kúndik ómirimen tanysyp qana qoimai, «Makarov» tapanshasynan nysanaǵa atyp, «Kalashnikov» avtomatyn ýaqytqa shashyp-jinap, áskeri BTR kóliginde ornalasqan iri kalibrli pýlemetten atyp, jalpyáskeri qorǵanys jiyntyǵyn kiiýden ýaqytqa jarysty. Tipti sarbazdardyń tamaq ishý ratsionymen tanysyp, soldat botqasynan da dám-aýyz tidi. Jaqsy nátije kórsetken BAQ ókilderin bólim basshylyǵy saltanatty shara barysynda marapattap, alǵys hat tapsyrdy.
Saltanatty rásim áskeri bólim qyzmetkerleriniń qatysýymen ótken kontserttik baǵdarlamamen jalǵasyn tapty.
