ٶسكەمەندە ٷزدٸك ەسكەري قىزمەتكەرلەر ماراپاتتالدى
قر ۇلتتىق ۇلان «شىعىس» ٶڭٸرلٸك قولباسشىلىعىنىڭ 5518 ەسكەري بٶلٸمٸ ٶتكٸزگەن شاراعا 500-دەن استام ەسكەري قىزمەتكەرلەر مەن ولاردىڭ تۋعان تۋىستارى قاتىستى. بٸرقاتار وفيتسەرگە «ۇلتتىق ۇلانعا 25 جىل», «ۇلتتىق ۇلاننىڭ ٷزدٸگٸ» تٶسبەلگٸلەرٸ, العىس حاتتار تاپسىرىلدى. بٶلٸم باسشىلىعى ۇزاق جىلدار بويى ٶڭٸرلٸك قولباسشىلىق ساپىندا قىزمەت ەتكەن ارداگەرلەردٸ دە كٶڭٸلدەن تىس قالدىرماعان.
– ۇلى وتان سوعىسى جىلدارىندا شىعىس قازاقستاننان 90 مىڭعا جۋىق ەر-ازاماتتار شايقاس الاڭىنا اتتاندىرىلدى. وتان ٷشٸن وت كەشٸپ, مايدان دالاسىندا ەلٸ ٷشٸن شايقاسقان باتىرلار قازٸردە قازاق جاستارىنا ەرلٸك پەن قايسارلىقتىڭ ٷلگٸسٸ بولىپ كەلەدٸ. تەۋەلسٸزدٸك جىلدارىندا ەلٸمٸزدە قۇرىلعىن ۇلتتىق ۇلاننىڭ ساپىنان دا بٸرنەشە ساربازدار مەن وفيتسەرلەر ەرلٸگٸمەن كٶزگە تٷستٸ, – دەدٸ قر ۇلتتىق ۇلان «شىعىس» ٶڭٸرلٸك قولباسشىلىعى قولباسشىسىنىڭ ورىنباسارى پولكوۆنيك نييازتاي ەلكەشوۆ.
ايتا كەتسەك, بٸرەر كٷن بۇرىن «شىعىس» ٶڭٸرلٸك قولباسشىلىعى جەرگٸلٸكتٸ باق ٶكٸلدەرٸ ٷشٸن «ەسكەردەگٸ بٸر كٷن» شاراسىن ۇيىمداستاردى. اتالعان شارا بارىسىندا تٸلشٸلەر وتان الدىنداعى بورىشىن ٶتەپ جٷرگەن ساربازداردىڭ بٸر كٷندٸك ٶمٸرٸمەن تانىسىپ قانا قويماي, «ماكاروۆ» تاپانشاسىنان نىساناعا اتىپ, «كالاشنيكوۆ» اۆتوماتىن ۋاقىتقا شاشىپ-جيناپ, ەسكەري بتر كٶلٸگٸندە ورنالاسقان ٸرٸ كاليبرلٸ پۋلەمەتتەن اتىپ, جالپىەسكەري قورعانىس جيىنتىعىن كييۋدەن ۋاقىتقا جارىستى. تٸپتٸ ساربازداردىڭ تاماق ٸشۋ راتسيونىمەن تانىسىپ, سولدات بوتقاسىنان دا دەم-اۋىز تيدٸ. جاقسى نەتيجە كٶرسەتكەن باق ٶكٸلدەرٸن بٶلٸم باسشىلىعى سالتاناتتى شارا بارىسىندا ماراپاتتاپ, العىس حات تاپسىردى.
سالتاناتتى رەسٸم ەسكەري بٶلٸم قىزمەتكەرلەرٸنٸڭ قاتىسۋىمەن ٶتكەن كونتسەرتتٸك باعدارلامامەن جالعاسىن تاپتى.
