Sońǵy jyldary elimizde Naýryz meiramy jańasha toilanyp, onkúndik merekege ainalyp otyr. Tarihi kezeńderde jańa jyldy toilaý on shaqty kúnge jalǵasyp, ol «Naýryznama» dep atalǵan desedi. Endi jyl saiyn ǵasyrlar boiy toilanyp kelgen jańa jyldy qarsy alý dástúrine orai 14-23 naýryz aralyǵynda Naýryznama onkúndigi ótip jatyr, dep habarlaidy Dakanews.kz altainews.kz saityna silteme jasap.
Naýryznama onkúndiginiń jetinshi kúni - Ulttyq sport kúni dep jariialanǵan.
Ashyq derekkózderdegi málimetke súiensek, qazaqta 150-ge tarta ulttyq oiyn túri bar ekeni aitylady. Olar oiyn-saýyq, turmys-salt, ańshylyq óner, jáne dene shynyqtyrýǵa qatysty oiyndar bolyp bólinedi. Tipti arasynda balalarǵa arnalǵan oiyndarda jetip artylatynyn bilemiz. Bul oiynnyń barlyǵy balalardy fizikalyq turǵyda damytýǵa, oilaý qabiletin jetildirýge, epti bolýǵa beiimdeidi.
O.Bókei atyndaǵy qalalyq kitaphanada óziniń jas oqyrmandaryna erekshe mereke uiymdastyrǵan. Aitýly kúnge orai munda ulttyq oiyndar ulyqtaldy. Kitaphanaǵa jinalǵan búldirshinder asyq atyp, láńgi, toǵyzqumalaq pen bes tas oinap qana qoimai, ulttyq oiyndardyń shyǵý tarihymen tanysty.
- Kitaphanaǵa mektep oqýshylary, túrli uiym men mekeme qyzmetkerleri kelip, ulttyq oiyndar oinady. Búldirshinderdi qyzyqtyryp, ulttyq oiyndy damytý maqsatynda asyqtyń VR-oiynyn uiymdastyrdyq. Ony bizdiń arnaiy úiirmege qatysatyn balalar jasap shyqty. Iaǵni, úlken zalda balalar asyqty offlain, VR-stýdiiada virtýaldy túrde oinai alady. Odan keiin umytylyp bara jatqan láńgi oinap, kópshiliktiń súiikti oiynyna ainalǵan toǵyzqumalaq úiretip jatyrmyz. Qyz balalar úshin saýsaqtardyń motorikasyn damytatyn bes tas ótikizdik, - deidi kitaphana direktorynyń orynbastary Janat Máýitqyzy.
Aita ketý kerek, O.Bókei kitaphanasynda Ulystyń uly kúnine orai túrli is-sharalar legi josparlanǵan. Sondai-aq Naýryz merekesiniń tarihyn zerttep, el nazaryna aýqymdy videorolik usyndy.
