Oblystyq qoǵamdyq keńes janyndaǵy saıajaı aýmaǵy birlestikteri máselesi jónindegi jumys tobynyń kezekti otyrysy barysynda atalǵan másele basty nazarǵa alyndy. Quzyrly organdarǵa shaǵymdanýdan sharshaǵan saıajaı turǵyndary da otyrysqa qatysyp, ishki janaıqaıymen bólisti.
– Biz osymen jetinshi jyl qatarynan sýsyz, jaryqsyz kún kórip kelemiz. Elder sýdy flágamen tasıdy. Al jolymyzdy jol ep ataýdyń ózi múmkin emes. Sebebi kóktem, kúz mezgilderinde ezilgen balshyqtan júrý múmkin emes, – dep «Zvezdnyı» saıajaı aýmaǵynyń turǵyny narazylyǵyn bildirdi.
Bir qyzyǵy otyrysqa Óskemen qalasy ákiminiń orynbasary Erjan Qońyrbaev, qala ákiminiń keńesshisi Murat Orazalın, TÚKSH, jolaýshylar kóligi jáne avtomobıl joldary bólimi basshysynyń orynbasary Aset Kýrymbaev, qala ákimi apparatynyń bas mamany Farhat Jylybaev, Saıajaı aýmaǵy birlestiginiń tóraıymy Lıdıa Zýeva qatysýy kerek bolǵan. Alaıda joǵaryda atalǵan atqaminerlerdiń eshqaısysy qarasyn kórsetpedi.
– Birinshiden barlyq saıajaı aýmaqtary boıynsha saraptama júrgizip, tirkelgen turǵyndardyń esebin júrgizip, bos jatqan aýmaqtardy anyqtaý qajet. Bul oraıda «Nur Otan» partıasy Óskemen qalasy fılıaly tóraǵasynyń birinshi orynbasary Maırash Ekibasovanyń usynysymen úlken jumys toby qurylyp, ol topqa barlyq memlekettik organdar men máslıhat depýtattary kirgennen keıin ǵana, saıajaı aýmaqtaryn sý jáne jaryqpen qamtamasyz etý boıynsha sheshim qabyldaýǵa bolady, – dedi oblystyq máslıhat depýtaty Oleg Chernyshov.
Otyrys sheshimi boıynsha qoǵamdyq keńes belsendileri QR Konstıtýsıasyna saı saıajaı turǵyndarynyń quqyǵyn qorǵaý maqsatynda saıajaı aýmaǵyna tıisti zań qabyldaý úshin Parlamentke usynys joldamaq.
