Óskemende áskeri politsiia merzimdi áskeri qyzmet ótkerip júrgen sarbazdy izdestirip jatyr, dep habarlaidy dalanews.kz.
2004 jyly týǵan qatardaǵy jaýynger Marhan Aiqyn Erlanuly 23 shilde kúni tańǵy saǵat 06:30 shamasynda qyzmet ornyn tastap ketken. Ol zymyran-artilleriialyq qarý-jaraq qoimasynyń táýliktik kezekshisi qyzmetin atqarǵan.
Aldyn ala aqparat boiynsha, áskeri qyzmetshi áskeri bólim aýmaǵynan áskeri kiimmen shyqqan. Alaida keiin azamattyq kiimge aýysqan bolýy da múmkin ekeni aityldy. Onyń ózimen birge qarý alyp shyqpaǵany naqtylandy.
Izdeýde júrgen sarbazdyń boiy shamamen 177 santimetr, salmaǵy – 80 keli. Dene bitimi ortasha. Shashy qysqa, kózi men shashynyń túsi qara. Betinde meńderi bar.
Áskeri politsiia onyń júrgen jeri týraly qandai da bir aqparat biletin azamattardy quqyq qorǵaý organdaryna habarlaýǵa shaqyrdy.
