ٶسكەمەندە ەسكەري پوليتسييا مەرزٸمدٸ ەسكەري قىزمەت ٶتكەرٸپ جٷرگەن ساربازدى ٸزدەستٸرٸپ جاتىر, دەپ حابارلايدى dalanews.kz.
2004 جىلى تۋعان قاتارداعى جاۋىنگەر مارحان ايقىن ەرلانۇلى 23 شٸلدە كٷنٸ تاڭعى ساعات 06:30 شاماسىندا قىزمەت ورنىن تاستاپ كەتكەن. ول زىمىران-ارتيللەرييالىق قارۋ-جاراق قويماسىنىڭ تەۋلٸكتٸك كەزەكشٸسٸ قىزمەتٸن اتقارعان.
الدىن الا اقپارات بويىنشا, ەسكەري قىزمەتشٸ ەسكەري بٶلٸم اۋماعىنان ەسكەري كيٸممەن شىققان. الايدا كەيٸن ازاماتتىق كيٸمگە اۋىسقان بولۋى دا مٷمكٸن ەكەنٸ ايتىلدى. ونىڭ ٶزٸمەن بٸرگە قارۋ الىپ شىقپاعانى ناقتىلاندى.
ٸزدەۋدە جٷرگەن ساربازدىڭ بويى شامامەن 177 سانتيمەتر, سالماعى – 80 كەلٸ. دەنە بٸتٸمٸ ورتاشا. شاشى قىسقا, كٶزٸ مەن شاشىنىڭ تٷسٸ قارا. بەتٸندە مەڭدەرٸ بار.
ەسكەري پوليتسييا ونىڭ جٷرگەن جەرٸ تۋرالى قانداي دا بٸر اقپارات بٸلەتٸن ازاماتتاردى قۇقىق قورعاۋ ورگاندارىنا حابارلاۋعا شاقىردى.
