Shyǵys Qazaqstan oblysynyń ákimi Nurymbet Saqtaǵanov Óskemen qalasynyń sol jaǵalaýyndaǵy Sátpaev dańǵyly men Jibek joly kóshesiniń qiylysynda úsh jolaqty qozǵalysy bar eki deńgeili jol airyǵynyń qurylys barysyn tekserdi, – dep habarlaidy Dalanews.kz
Oblys ákimi atap ótkendei, bul joba óńir ortalyǵy úshin asa mańyzdy. Ol avtokólik júrgizýshilerine qozǵalys ýaqytyn edáýir qysqartyp, Bazovaia kóshesi men Menovnoe aýylyn qosa alǵanda tórt baǵytta erkin júrýge múmkindik beredi. Munda bes jolaqty qozǵalys qarastyrylǵan.
Jol airyǵynyń ótkizý qabileti 2,5 esege artady. Qazirgi tańda bul kórsetkish táýligine 85 myń avtokólik bolsa, qurylys aiaqtalǵan soń 200 myńnan astam avtokólikti qamtidy.
Sondai-aq, oblys ákiminiń aitýynsha, bul joba jol qozǵalysyn jeńildetip qana qoimai, qurylys kompaniialary úshin mańyzdy tájiribe mektebi bolmaq.
Atalǵan jol airyǵy kúrdeli qiylysty tolyǵymen jeńildetýge, baǵdarshamdardy ainalyp ótýge, jolda júrý ýaqytyn qysqartýǵa sep bolady. Osy ýchaskeniń ótkizý qabileti 85 myńnan 200 myńǵa deiin ósedi.
Nysan kelesi jyly paidalanýǵa beriledi.
