Astana – táýelsizdik simvoly. Dombyra – qazaqtyń bolmysy ári brendi. Táýelsizdikti astanamyz aiqyndasa, dombyra qazaqtyń arǵy-bergi tarihynyn tamyr tartatyn kieli aspap.
Óskemende jergilikti jurtshylyq qos merekeni este qalarlyqtai atap ótip, sharanyń rýhani baǵytyna basymdyq berdi.
Qos merekeniń qurmetine arnap qońyr dombyradan kúi tógiltken óskemendik jas kúishi Arlan Súleimenov jinalǵan jurttyń aldynda osynaý kieli aspaptyń shyǵý tarihy týraly shejireni balyn tamyzyp aitty.
Talantty dombyrashymen tildesken ónersúier qaýym bul kúni dombyranyń shyǵý tarihyna qatysty tyń málimetke qanyǵyp, kezdesýden erekshe áser aldy. Chaikovskii atyndaǵy óner kolledjiniń túlegi Arlan Súleimenov Óskemendegi on saýsaǵynan bal tamǵan óner ieleriniń biri. Odan tálim alǵan túlekter dombyrany 12 sabaqtyń ishinde meńgerip ketedi eken.
Aita ketelik, Dombyra kúnin byltyr Elbasy Nursultan Nazarbaev resmi bekitip, «Altaidan Atyraýǵa deiin barsha Qazaqstannyń dalasy osy dombyranyń únin estip keledi. Ol búkil bizdiń dalamyzdyń, barlyq qazaqtyń qany da, jany da bir ekenin naqty bildiredi», – degen bolatyn.
Dombyra kúniniń el astasynyń týǵan kúnimen orailasqany da eki merekeniń mańyzdylyǵyn arttyra tústi.
Shara barysynda Elordanyń qurmetine án oryndalyp, bi bilendi. Sonymen qatar jinalǵan jurt ta tek kórermen retinde qalyp qoimai, astanaǵa degen mýzykalyq, poetikalyq quttyqtaýlaryn joldady.
Zamanǵa sai jańǵyrtylǵan kitaphananyń MakerSpace shyǵarmashylyq alańynda meimandarǵa dombyra beinesindegi kádesyilar syiǵa tartyldy.
Shara aiasynda Nur-Sultannyń qurylý men qalyptasý tarihy túgeldei baiandalǵan kórme uiymdastyrylyp qonaqtar astanaǵa qatysty beimálim derektermen tanys boldy.
Sonymen birge dombyra kórmesi de uiymdastyrylyp uly oryndaýshylar, mýzykanttar, Qurmanǵazy, Tátimbbet, Dina siiaqty áigili kúishilerdiń murasy týraly málimetter ádebietter kórmesinen oryn aldy.
https://www.youtube.com/watch?v=Luo4r_E40Ug
