Búgin Óskemen qalasyndaǵy Táýelsizdik monýmenti janynda Jumysshy mamandyqtar jylyna arnalǵan «Altaıdan Oralǵa deıin» respýblıkalyq velosherýdiń saltanatty ashylý rásimi ótti. Bul týraly Týrızm jáne sport mınıstrliginiń baspasóz qyzmeti málimdedi, – dep habarlaıdy Dalanews.kz

İs-sharaǵa Shyǵys Qazaqstan oblysy ákiminiń orynbasary Erbol Nurǵalıev, dene shynyqtyrý jáne sport salasynyń ókilderi, kolej oqytýshylary men stýdentteri qatysty.

Atalǵan velosherýge 236 veloshabandoz jáne Óskemendegi tehnıkalyq jáne kásiptik bilim berý uıymdarynyń 200-den astam stýdenti qatysýda.

İs-shara jumysshy mamandyqtardy nasıhattaý, eńbekke degen qurmetti qalyptastyrý jáne salaýatty ómir saltyn dáripteý maqsatynda uıymdastyryldy.

Sherý baǵyty elimizdiń segiz óńirin qamtıdy: Shyǵys Qazaqstan, Abaı, Pavlodar oblystary, Astana qalasy, sondaı-aq Aqmola, Qostanaı, Aqtóbe jáne Batys Qazaqstan oblystary.

Velosherý 8 maýsymda máresine jetedi dep josparlanǵan.