Shyǵys Qazaqstan oblysynda halyqtyń áleýmettik qorǵalmaǵan toptaryna jatatyn 20 otbasyna jańa páterlerdiń kiltterin tapsyrý saltanaty ótti, dep habarlaidy Dalanews.kz.
Azamattardyń áleýmettik qorǵalmaǵan sanattaryn qoldaý – memlekettik saiasattyń basty basymdyqtarynyń biri. Kóptegen jańa páter ieleri úshin bul kún jańa ómirdiń bastamasy bolyp tabylady. Biz bul baǵytta jumysty ári qarai jalǵastyramyz.
Turǵyn úimen qamtamasyz etý jumystary aldaǵy ýaqytta jalǵasatyn bolady. Josparda jańa turǵyn úiler salý jáne halyqtyń ártúrli sanattary úshin qoldaý baǵdarlamalaryn keńeitý qarastyrylǵan. Máselen, biyl barlyq qarjylandyrý kózderinen 306,8 myń sharshy metr turǵyn úidi paidalanýǵa berý josparlanýda.
Aita ketsek, búgingi tańda Óskemende turǵyn úi alýǵa kezekte 11 950 adam tur. Olardyń ishinde – 2 130 jetim jáne ata-anasynyń qamqorlyǵynsyz qalǵan balalar, 1 487 kópbalaly otbasy, 4 666 halyqtyń áleýmettik osal toptarynyń ókilderi, jalǵyz turǵyn úii apatty dep tanylǵan 121 azamat, sondai-aq 3 546 memlekettik qyzmetshi men biýdjet salasynyń qyzmetkerleri.
