Búgin Qazaqstannyń Ortalyq sailaý komissiiasy AES salý máselesine qatysty referendýmdy ótkizý jáne daiyndyq sharalarynyń kestesin jariialady. Ortalyq sailaý komissiiasy tóraǵasynyń orynbasary Konstantin Petrov aldaǵy 6 qazanda ótetin referendýmnyń barysy men onyń uiymdastyrý isi resmi túrde bastalǵanyn jariia etti.
AES salý máselesine qatysty referendým biylǵy jyldyń mańyzdy saiasi is-shara desek bolady. Mundai ózekti másele buryn-sońdy halyqtyń talqysyna túspegenin bárimiz bilemiz. Sondyqtan ony ótkizýdiń tártibimen kópshilik jaqsy tanys emes. Sol sebepti Ortalyq sailaý komissiiasy tóraǵasynyń orynbasary Konstantin Petrov jýrnalsiterdiń basyn qosyp, bul máseleni elimiz úshin ózekti ekenin kópshilikke jiliktep, túsindirip berdi. OSK ókili naýqannyń bastalýy referendým ótkizý týrasynda QR Prezidenti Qasym-Jomart Toqaevtyń Jarlyǵy shyqqan kúnnen bastap kúshine enetinin jýrnalsiterdiń esine salyp ótti. Bul shara halyq daýys bergenshe, iaǵni, 25 kúnge jalǵasatyn bolady.
Konstantin Petrov jergilikti atqarýshy organdar (JAO) sailaý ýchaskeleriniń shekaralary týraly aqparatty BAQ-ta jariialap, referendýmdy ótkizý jónindegi aýmaqtyq komissiialar sailaý komissiialarynyń quramy men ornalasýy jóninde aqparattardy halyqqa aqparat quraldary arqyly jetkizetinin alǵa tartty. 15 qyrkúiekte jergilikti atqarýshy organdar sailaýshylar tizimin referendým ýchaskelerine, sondai-aq joǵarǵy komissiialar men OSK-ǵa elektrondyq túrde tabsytaýy tiis. Oblys ákimderi qol qoiǵan sailaýshylar tizimi komissiialardyń odan ári jumysyna negiz bolatyny belgili.
Al 26 qyrkúiekte ýchaskelik komissiialar sailaýshylar tizimin alǵannan keiin azamattardy habardar etý sharalaryn bastaidy. El turǵyndary daýys berý orny men ýaqyty týraly naqty aqparatty alyp, sailaý ýchaskeleriniń ornalasýy týraly habardarǵa qol jetkizetin bolady.
Óz kezeginde Konstantin Petrov daýys berý biýlletenderi daýys berý kúninen úsh kún buryn jáne odan keshiktirmei sailaý ýchaskelerine jetkiziletinin aitty. Al 5 qazan ádettegidei tynyshtyq kúni bolyp sanalady. Bul kúni úgit-nasihat jumystaryna zańdyq turǵydan tyiym salynady.
6 qazanda árbir el azamaty referendýmǵa qatysyp, tańǵy saǵat 7:00-den keshki saǵat 20:00-ge óz tańdaýyn jasaidy. Keibir jaǵdailarda aýmaqtyq komissiialar daýys berý ýaqytyn basqa ýaqytqa ózgertýi múmkin, mysaly, vahtalyq ádispen jumys isteitin qyzmetkerler úshin.
Al daýystardy sanaý ýchaskeler jabylǵannan keiin bastalyp, 12 saǵattan aspaýy tiis. Aimaqtar ortalyq komissiiaǵa daýys berý nátijeleriniń jiyntyq hattamalaryn 2 kún ishinde jinap, ótkizýge mindetti. Budan keiin OSK referendýmnyń nátijelerin jeti kún ishinde belgilep, aqparat quraldary arqyly resmi túrde habarlaityn bolady.
Bir jyl buryn Memleket basshysy Qasym-Jomart Toqaev elimizde AES salý týraly sheshimdi halyqtyq referendým arqyly qabyldaý kerektigin málimdegen edi. Qańtar aiynda «Parasat» kásipkerler aliansynyń úilestirý keńesinde Prezident Toqaevqa AES boiynsha respýblikalyq referendým ótkizý kúnin belgileýdi ótingen bolatyn. Osy jyldyń maýsym aiynda ol referendýmnyń kúzde ótetinin naqtylaǵan edi.
2 qyrkúiekte qazaqstandyqtarǵa 6 qazandaǵy AES referendýmynda qoiylatyn suraq belgili boldy. Prezident jarlyǵyna sáikes, qazaqstandyqtardan «Qazaqstanda atom elektr stantsiiasyn salýǵa kelisesiz be?» degen suraq jaýap beretin bolady.
Sonymen qatar, OSK Qazaqstannyń AES boiynsha referendýmǵa 15,5 milliard teńge jumsaitynyn aita ketýimiz kerek. Komissiia múshesi Sábila Mustafinanyń aitýynsha, bul soma 63 memlekette ornalasqan jáne 78 ýchaskede ashylǵan sheteldegi sailaý ýchaskelerin uiymdastyrý men ótkizýdi qamtidy.
