Belgili saiasattanýshy Dosym Sátpaev sońǵy jaǵdailarǵa bailanysty memleket basshylarynyń áreketin synǵa alyp, kópjyldyq spektaklden elde áli eshteńe ózgermegenin alǵa tartty, dep habarlaidy Dalanews.kz.
Osy tusta ol jyldar boiy qaitalanyp kele jatqan eldegi qiyn jaǵdaidyń birneshe sebebin atady. Aitýynsha, Nazarbaev óziniń basqarý júiesinde adaldyqty biliktilikten joǵary qoiǵandyqtan, biliksiz sheneýnikter qarapaiym halyqqa nemqurailyq tanyta bastady.
"Prezident Úkimet pen ákimderdi eldegi sý tasqynyna bailanysty nemqurailylyq pen biliksizdik tanytty dep synady. Dese de bul jylda qaitalanatyn jaǵdai.
Nursultan Nazarbaev ta 30 jyl boiy sátsizdikter úshin ministrler men ákimderdi kinálap, sógis jariialap, jumystan shyǵardy. Biraq bul kópjyldyq spektaklden elde eshteńe ózgergen joq. Óitkeni ol qurǵan memlekettik basqarý júiesi eshqashan tiimdi jumys isteýge baǵyttalmady, tek ishki nomenklatýralyq yqpal men resýrstardy qaita bólýmen ainalysty. Bul - avtokratiialardyń kemshiligi.
Birinshi prezident adaldyqty biliktilikten joǵary qoidy. Nátijesinde biliksiz sheneýnikterdiń qarapaiym adamdarǵa nemqurailylyǵyn týdyrdy. Osynyń bárin men 2019 jyly "Vertikal deformatsiiasy" atty kitabymda jazdym. Onda eldi qiyn jaǵdaida qaldyrǵan memlekettik basqarý júiesiniń barlyq álsiz tustary taldanǵan", - dep jazdy ol Instagram jelisindegi paraqshasynda.
Onyń pikirinshe, bul qatelikke Toqaev ta boi aldyrdy.
"Sol qatelikti ekinshi prezident te qaitalap otyr. Shyn máninde, ol "jańa Qazaqstanmen" búrkegen sol burynǵy júieni nemqurailyq, biliksizdik, ýaqytsha sindromy jáne sybailas jemqorlyq túrindegi eski jáne shirigen mazmunda saqtap qaldy.
Al ýaqytsha sindromy josparlaýdyń aýqymyn shekteidi. Sonymen qatar bilik teris selektsiiaǵa bás tigýdi jalǵastyrýda. Nátijesinde Qazaqstanda kóptegen problemalardyń sebebi – memlekettik apparattyń daǵdarysqa qarsy jumysynyń tiimsizdigi. Sebebi olar esh bir tótenshe jaǵdaiǵa daiyn emes. Olar tipti jyl saiynǵy sý tasqynyna da daiyn emes. Biraq biz taǵy da Úkimet pen jergilikti atqarýshy organdar arasynda úilestirý joq ekeni týraly estimiz. Negizi ondai úilestirý bolmaidy da", - dep atap ótti ol.
Saiasattanýshy atalmysh máselelerge bailanysty aqparattardy óz kitabynda egjei-tegjeili jazǵan kórinedi.
Sol "Vertikal deformatsiiasy" kitabymda men memlekettik apparattyń ishinde keri bailanys tsikli joq ekenin atap óttim. Tiginen de, joǵarydan qabyldanǵan sheshimder diversiialanǵan kezde, kóldeneń de, vedomstvoaralyq qaqtyǵys únemi bolyp turǵan kezde ózara kúdik pen aqparattyq separatizm týyndaidy. Nátijesinde júielik komandalyq jumys joq. Kóptegen sheneýnikter jaýapkershilikti óz moinyna alyp, jaǵymsyz jańalyqtardyń "habarshy" bolǵysy kelmeidi, óitkeni olardyń mansaby qarapaiym qazaqstandyqtardyń erkine, tilegine nemese sailaý mandatyna emes, joǵary turǵan basshylardyń meiirimine bailanysty", – dedi Dosym Sátpaev.
