Májiliske «Nur Otan» partiiasy Túrkistan oblystyq filialynyń tóraǵasy, oblys ákimi Shókeev Ómirzaq Estaiuly men saiasi keńestiń músheleri men qoǵam ókilderi men aýdandyq máslihat hatshylary, fraktsiia jetekshileri qatysty.
21 tamyz kúni Elordada Elbasy, «Nur Otan» partiiasynyń tóraǵasy Nursultan Nazarbaev «Senim. Dialog. Bolashaqqa nyq qadam» – «Nur Otan» partiiasynyń 7 serpini» atty partiia jumysyn júieli jańǵyrtý baǵdarlamasyn usynǵan bolatyn.
Osy oraida, óńir basshysy Ó.Shókeev jańǵyrtý baǵdarlamasyna keńinen toqtalyp, oblysta júzege asyrý barysy boiynsha birqatar tapsyrmalar júktedi.
Ekinshi, jastar jylyna orai, ákimdik, basqarma basshylary, ziialy qaýym, belsendilerdi tarta otyryp «Jas Otan» jastar qanatymen birge dialogtyq alań quryp, pikir-saiystar ótkizýimiz qajet. Osy konstrýktivti pikir-saiystan ózindik oiy bar jastardy partiia qataryna tartý kerek.
Úshinshi, qoǵamdaǵy tamyryn tereńge jaiǵan jemqorlyq indetimen kúresý máselesi. Sybailas jemqorlyqpen kúreste partiialyq baqylaý qajet. Bul shara sybailas jemqorlyqpen kúrespen qatar, máslihatta partiia fraktsiiasyn kúsheitedi.
Tórtinshi, partiia azamattardyń ózekti máselelerin sheshýde, olardyń áleýmettik jaǵdaiyn túzeýge kómek kórsetýi tiis. Mysaly, halqy tyǵyz qonystanǵan ońtústik óńirden soltústikke kóshirý boiynsha «Eńbek» baǵdarlamasyn qazir «Nur Otan» partiiasynyń Túrkistan oblystyq filialy jaqsy nasihattaýda. Osy baǵyttaǵy jumysty jalǵastyrý qajet. Sondai-aq, ataýly áleýmettik kómek, kóp balaly analardyń máselesin, az qamtamasyz etilgen otbasylar boiynsha jumys partiia baqylaýynda bolsyn.
Besinshi, partiiada qarapaiym halyqpen qatar kásipkerlerge zań júzinde keńes berip, olardyń aryz-shaǵymyn tyńdaityn Qoǵamdyq biznes-qabyldaý ashylýy qajet. Aýdandarda Qoǵamdyq qabyldaýdy shynaiy ótkizip, áleýmettik jelilerde tikelei efir arqyly kórsetýdi qolǵa alý kerek. Partiianyń barlyq áleýmettik jelilerde arnaiy paraqshasy ashylyp, oǵan azamattar kez-kelgen ýaqytta aryz-shaǵymyn qaldyryp, naqty jaýap alýy kerek.
Partiia ashyq bolýy tiis. Partiia músheleri halyqpen kezdesýi kerek. Partiia ǵimaratyna ár adam erkin kirýi tiis. Osy oraida oblystaǵy jobalyq keńsemen birge «Nur Otan»partiiasy oblystyq filialy «Open space» formatyna kóshedi. Men ózim apta saiyn osy ashyq alańǵa kelip, partiiamen birge halyqpen kezdesetin bolamyn.
Altynshy, oblystaǵy, aýdandaǵy áleýmettik-ekonomikalyq, saiasi jaǵdaidy nasihattaýda, ózekti máselelerdibuqaralyq aqparat quraldary aitýy kerek, jazýy kerek. Tórtinshi bilik atanǵan BAQ shynaiy aqparat taratyp, obektivti material jariialaýy qajet.
Jetinshi, Elbasy tapsyrmasyna sáikes «Bolashaqqa baǵdar: Rýhani jańǵyrý» baǵdarlamalyq maqalasy aiasynda «Aýyl el - besigi» jobasy bizdiń oblysta qarqyndy júzege asýda. Biyldyń ózinde 4 mlrd. teńge kóleminde aýdandarǵa qarajattar bólinip, tiisti jumystar bastalyp ketti. Osy halyqtyq jobanyń júzege asýyn partiialyq baqylaýǵa alyp, sapaly oryndalýyn tapsyramyn. Sonymen qatar, Túrkistannyń mádeni-rýhani baǵyttaǵy deńgeiin arttyrýǵa Partiia filialy «Miras» qoǵamdyq keńesi arqyly barynsha at salysýy tiis», dedi partiia filialynyń tóraǵasy.
Partiia men halyqtyń senimine ie bolýda biz ózimiz halyqpen bailanysty nyǵaitýmen qatar, qoǵamdyq baqylaý jáne partiia belsendileri men sheneýnikterdi baǵalaý tetigin uiymdastyra bilýimiz kerek. Sondyqtan da halyqtan saýalnama jinaý arqyly ákimdik pen partiianyń laýazymdy tulǵalarynyń reitingin shyǵarýdy usynamyn», dedi oblys basshysy.
Sonymen qatar, oblys ákimi aimaqta jumyspen qamtý múmkindikteri jetkilikti ekenin, suranysqa ie mamandyqtardy igerip biznesti bastaý úshin nesielik jeliler bar ekenin atap ótti. Jumys tapqysy keletinder ony árdaiym taba alady. Masyldyqtyń túp tamyryna úńile otyryp ony joiýdyń joldaryn qarastyrýymyz kerek. Ýaqytyly eskermesek keiin ne ózi istemeitin, ne ózgege múmkindik bermeitinder qatary kóbeiip keteri anyq. Eń bastysy — memleketke degen tutynýshylyq kózqarasty joiý qajetigin atap ótti.
Jiyn sońynda atalǵan tapsyrmalar boiynsha Saiasi keńes májilisiniń qaýlysy qabyldandy.
«Nur Otan» partiiasy Túrkistan oblystyq filialynyń baspasóz qyzmeti
