Oshaǵannan dárilik zattar alýdy kózdeitin jumys úzdik ǵylymi joba retinde tanyldy
Joba taqyryby – «Bilim berýdi tsifrlandyrý jaǵdaiynda filolog-muǵalimderdiń kóptildiligin qalyptastyrý».
Ǵylymi jobany júzege asyrýǵa bólingen grant quny – 5 mln teńge.
Qazirgi jahandaný, tilderdiń ózara qarym-qatynasy jáne ózara áseri dáýirinde kóptildilik máseleleri ǵalymdardyń nazaryn jii aýdarýda.
– Qazaqstan Respýblikasy – júzden astam ult ókilderi beibitshilik pen kelisimde ómir súrip otyrǵan kópultty memleket. Demokratiialandyrýǵa jáne álemdik keńistikke tabysty kirýge baǵyttalǵan kóptildi qazaqstandyq qoǵam, elimizdiń etnotildik landshaftynyń qalyptasý tarihy – osynyń barlyǵy ózgermeli qoǵam jaǵdaiynda tilderdiń ózara qarym-qatynasy problematikasyn aitarlyqtai ózektendiredi, – deidi ǵalym.
Osy oraida atalǵan joba oqý protsesin tiimdi uiymdastyrý men júzege asyrýdyń jańa tásilderin aiqyndaýǵa septigin tigizbek.
Sonymen qatar Jaratylystaný institýtynyń qaýymdastyrylǵan professory mindetin atqarýshy, PhD Anar Qalieva granttyq qarjylandyrýǵa arnalǵan respýblikalyq konkýrstyń jeńimpazy atandy.
Atap aitqanda, ǵalymnyń «Qazaqstandaǵy farmakologiialyq shikizat retinde Agrimonia asiatica Juz. ósimdigindegi flavonoidtar men ilik zattardyń tiimdiligi» taqyrybyndaǵy jobasy úzdik dep tanylǵan.
Jobany júzege asyrýǵa bólingen grant quny – 8 mln teńge.
– Jobanyń maqsaty – Qazaqstannyń ońtústik-shyǵysynda kezdesetin aziia oshaǵanyn (Agrimonia asiatica Juz.) dárilik ósimdik shikizaty retinde ózindik belsendiligin anyqtaý jáne fitohimiialyq zertteýler júrgizý, bolashaqta paidalanýǵa usyný, – deidi Anar Qalieva.
Onyń aitýynsha, oshaǵan quramynda flavonoidtar, ilik zattar, fenol qyshqyldary, efir maiy, polisaharidter, aminqyshqyldary, saponinder siiaqty BBZ kesheni bar jáne kóptegen emdik qasietterge ie.
Joba kóleminde júrgizilgen ǵylymi zertteýlerdiń nátijeleri Scopus bazasyna enetin jýrnalda jáne QR retsenziialanatyn ǵylymi jýrnaldarynda jariialanady.
Zertteý materialdary boiynsha monografiia daiyndalyp, ǵylymi seminarlar ótkiziledi jáne zertteý nátijeleri halyqaralyq konferentsiialarda aprobatsiialanady. Sondai-aq zertteý nátijeleri tiisti pánderdiń oqý mazmunyna engiziledi.
