جوبا تاقىرىبى – «ءبىلىم بەرۋدى سيفرلاندىرۋ جاعدايىندا فيلولوگ-مۇعالىمدەردىڭ كوپتىلدىلىگىن قالىپتاستىرۋ».
عىلىمي جوبانى جۇزەگە اسىرۋعا بولىنگەن گرانت قۇنى – 5 ملن تەڭگە.
قازىرگى جاھاندانۋ، تىلدەردىڭ ءوزارا قارىم-قاتىناسى جانە ءوزارا اسەرى داۋىرىندە كوپتىلدىلىك ماسەلەلەرى عالىمداردىڭ نازارىن ءجيى اۋدارۋدا.
– قازاقستان رەسپۋبليكاسى – جۇزدەن استام ۇلت وكىلدەرى بەيبىتشىلىك پەن كەلىسىمدە ءومىر ءسۇرىپ وتىرعان كوپۇلتتى مەملەكەت. دەموكراتيالاندىرۋعا جانە الەمدىك كەڭىستىككە تابىستى كىرۋگە باعىتتالعان كوپتىلدى قازاقستاندىق قوعام، ەلىمىزدىڭ ەتنوتىلدىك لاندشافتىنىڭ قالىپتاسۋ تاريحى – وسىنىڭ بارلىعى وزگەرمەلى قوعام جاعدايىندا تىلدەردىڭ ءوزارا قارىم-قاتىناسى پروبلەماتيكاسىن ايتارلىقتاي وزەكتەندىرەدى، – دەيدى عالىم.
وسى ورايدا اتالعان جوبا وقۋ پروسەسىن ءتيىمدى ۇيىمداستىرۋ مەن جۇزەگە اسىرۋدىڭ جاڭا تاسىلدەرىن ايقىنداۋعا سەپتىگىن تيگىزبەك.
سونىمەن قاتار جاراتىلىستانۋ ينستيتۋتىنىڭ قاۋىمداستىرىلعان پروفەسسورى مىندەتىن اتقارۋشى، PhD انار قالييەۆا گرانتتىق قارجىلاندىرۋعا ارنالعان رەسپۋبليكالىق كونكۋرستىڭ جەڭىمپازى اتاندى.
اتاپ ايتقاندا، عالىمنىڭ «قازاقستانداعى فارماكولوگيالىق شيكىزات رەتىندە Agrimonia asiatica Juz. وسىمدىگىندەگى فلاۆونويدتار مەن يلىك زاتتاردىڭ تيىمدىلىگى» تاقىرىبىنداعى جوباسى ۇزدىك دەپ تانىلعان.
جوبانى جۇزەگە اسىرۋعا بولىنگەن گرانت قۇنى – 8 ملن تەڭگە.
– جوبانىڭ ماقساتى – قازاقستاننىڭ وڭتۇستىك-شىعىسىندا كەزدەسەتىن ازيا وشاعانىن (Agrimonia asiatica Juz.) دارىلىك وسىمدىك شيكىزاتى رەتىندە وزىندىك بەلسەندىلىگىن انىقتاۋ جانە فيتوحيميالىق زەرتتەۋلەر جۇرگىزۋ، بولاشاقتا پايدالانۋعا ۇسىنۋ، – دەيدى انار قالييەۆا.
ونىڭ ايتۋىنشا، وشاعان قۇرامىندا فلاۆونويدتار، يلىك زاتتار، فەنول قىشقىلدارى، ەفير مايى، پوليساحاريدتەر، امينقىشقىلدارى، ساپونيندەر سياقتى ببز كەشەنى بار جانە كوپتەگەن ەمدىك قاسيەتتەرگە يە.
جوبا كولەمىندە جۇرگىزىلگەن عىلىمي زەرتتەۋلەردىڭ ناتيجەلەرى Scopus بازاسىنا ەنەتىن جۋرنالدا جانە ق ر رەسەنزيالاناتىن عىلىمي جۋرنالدارىندا جاريالانادى.
زەرتتەۋ ماتەريالدارى بويىنشا مونوگرافيا دايىندالىپ، عىلىمي سەمينارلار وتكىزىلەدى جانە زەرتتەۋ ناتيجەلەرى حالىقارالىق كونفەرەنسيالاردا اپروباسيالانادى. سونداي-اق زەرتتەۋ ناتيجەلەرى ءتيىستى پاندەردىڭ وقۋ مازمۇنىنا ەنگىزىلەدى.
