Almatyda buryn politsiia qyzmetkeri bolǵan er adamnyń qazasyna qatysty tergeý jalǵasyp jatyr. Is boiynsha qarastyrylyp jatqan nusqalardyń birinde marqumnyń ólimine jubaiynyń qatysy bolýy múmkin degen kúdik bar, dep habarlaidy dalanews.kz.
Buǵan deiin oqiǵaǵa bailanysty marqumnyń týystary pikir bildirgen edi. Endi kúdikke ilingen áieldiń jaqyndary da ózderine belgili jaittardy aitty.
Áieldiń sińlisi jýrnalist Rýslan Ótepbaiǵa bergen suhbatynda ápkesi men marqumnyń otbasyndaǵy qarym-qatynasy kúrdeli bolǵanyn málimdedi.
"Uldaryn tańǵa deiin urǵan. Áielin de uratyn. Ony ózi videoǵa túsirip alatyn bolǵan. Ony ápkem aitty. Ápkem qansha ketip qalsa da, kúieýi kelip alyp ketetin. Bilmeimin, qorqytady ma, ne úshin ketetinin túsinbeitinbiz", – dedi ol.
Bul málimetter kúdiktiniń týystarynyń sózine negizdelgen jáne ázirge tergeý qorytyndysy emes.
Áieldiń jaqyndary oqiǵanyń barlyq mán-jaiy jan-jaqty zerttelýi kerek dep esepteidi. Sondai-aq olar tergeý aiaqtalǵanǵa deiin birjaqty qorytyndy jasamaýǵa shaqyrdy.
