Ortsaılaýkom tarapynan spıkerler QR OSK Tóraǵasynyń orynbasary Konstantın Petrov, Komısıanyń músheleri Sábıla Mustafına, Anastasıa Shegorsova, Asylbek Smaǵulov, sondaı-aq apparat qyzmetkerleri bolyp tabylady.
Oqytý kýrsy saıası partıalardyń ókilderine Prezıdent saılaýyn ázirleý men ótkizý erekshelikterin, aǵymdaǵy saılaý naýqanynyń negizgi kezeńderin, kandıdattardy usyný men tirkeýdiń uıymdastyrýshylyq-quqyqtyq rásimderin, memlekettik jáne memlekettik emes qarjylandyrýdy, atap aıtqanda, kandıdattardyń saılaý qorlarymen jumysy jáne saılaýaldy úgit-nasıhat jumystaryn júrgizý máselelerin túsindirýge baǵyttalǵan.
Semınarda saıası partıalar ókilderi sonymen qatar saılaý prosesine qatysýshylardy elektoraldyq oqytý máselelerimen, saılaýdy ulttyq baıqaýdy júzege asyrýmen, múgedektigi bar adamdardyń saılaý quqyqtaryn qamtamasyz etýmen, saılaý zańnamasyn buzǵany úshin quqyqtyq jaýapkershilik máselelerimen jáne «Qazaqstan Respýblıkasyndaǵy saılaý týraly» Zańǵa engizilgen novelalarmen tanystyrylady.
Sondaı-aq semınar barysynda saıası partıalardyń Qazaqstan Respýblıkasynyń saılaý prosesine qatysýy boıynsha trenıń ótedi.
2022 jylǵy 20 qarashaǵa taǵaıyndalǵan Qazaqstan Respýblıkasy Prezıdentiniń kezekten tys saılaýyn ótkizý kezeńinde elektoraldyq oqytý jónindegi josparǵa sáıkes budan buryn respýblıkalyq jáne oblystyq jastar uıymdarynyń, buqaralyq aqparat quraldarynyń ókilderi, sondaı-aq oblystar ákimderi apparatynyń, sondaı-aq jergilikti atqarýshy organdardyń qarjylyq qyzmetteriniń qyzmetkerleri úshin semınarlar ótkizildi.
Saılaý naýqany sheńberindegi kelesi semınarlar óńirlerdiń saılaýshylarmen jumys jónindegi call-ortalyqtarynyń qyzmetkerleri, kandıdattardyń saılaýaldy shtabtarynyń, saılaý jónindegi zańgerler, saılaýdy uıymdastyrýǵa jáne ótkizýge jaýapty JAO qyzmetkerleri, quqyq qorǵaý jáne sot organdarynyń, prokýratýra organdarynyń qyzmetkerleri, Qazaqstan Respýblıkasynyń sheteldegi ókildikteriniń janynan qurylǵan ýchaskelik saılaý komısıalarynyń músheleri úshin kózdeldi.
Sondaı-aq osy jyldyń qazan jáne qarasha aılarynda Ortalyq saılaý komısıasy men Aqparat jáne qoǵamdyq damý mınıstrligi Prezıdenttikke kandıdattardyń úgit naýqanyn retteý máseleleri boıynsha buqaralyq aqparat quraldary úshin jáne saılaýdy ulttyq baıqaýdy júzege asyrý máseleleri boıynsha úkimettik emes uıymdar úshin birlesken semınarlar ótkizý josparlanýda.
