ورتسايلاۋكوم تاراپىنان سپيكەرلەر ق ر وسك ءتوراعاسىنىڭ ورىنباسارى كونستانتين پەتروۆ، كوميسسيانىڭ مۇشەلەرى ءسابيلا مۇستافينا، اناستاسيا ششەگورسوۆا، اسىلبەك سماعۇلوۆ، سونداي-اق اپپارات قىزمەتكەرلەرى بولىپ تابىلادى.
وقىتۋ كۋرسى ساياسي پارتيالاردىڭ وكىلدەرىنە پرەزيدەنت سايلاۋىن ازىرلەۋ مەن وتكىزۋ ەرەكشەلىكتەرىن، اعىمداعى سايلاۋ ناۋقانىنىڭ نەگىزگى كەزەڭدەرىن، كانديداتتاردى ۇسىنۋ مەن تىركەۋدىڭ ۇيىمداستىرۋشىلىق-قۇقىقتىق راسىمدەرىن، مەملەكەتتىك جانە مەملەكەتتىك ەمەس قارجىلاندىرۋدى، اتاپ ايتقاندا، كانديداتتاردىڭ سايلاۋ قورلارىمەن جۇمىسى جانە سايلاۋالدى ۇگىت-ناسيحات جۇمىستارىن جۇرگىزۋ ماسەلەلەرىن تۇسىندىرۋگە باعىتتالعان.
سەميناردا ساياسي پارتيالار وكىلدەرى سونىمەن قاتار سايلاۋ پروسەسىنە قاتىسۋشىلاردى ەلەكتورالدىق وقىتۋ ماسەلەلەرىمەن، سايلاۋدى ۇلتتىق بايقاۋدى جۇزەگە اسىرۋمەن، مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋمەن، سايلاۋ زاڭناماسىن بۇزعانى ءۇشىن قۇقىقتىق جاۋاپكەرشىلىك ماسەلەلەرىمەن جانە «قازاقستان رەسپۋبليكاسىنداعى سايلاۋ تۋرالى» زاڭعا ەنگىزىلگەن نوۆەللالارمەن تانىستىرىلادى.
سونداي-اق سەمينار بارىسىندا ساياسي پارتيالاردىڭ قازاقستان رەسپۋبليكاسىنىڭ سايلاۋ پروسەسىنە قاتىسۋى بويىنشا ترەنينگ وتەدى.
2022 جىلعى 20 قاراشاعا تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن وتكىزۋ كەزەڭىندە ەلەكتورالدىق وقىتۋ جونىندەگى جوسپارعا سايكەس بۇدان بۇرىن رەسپۋبليكالىق جانە وبلىستىق جاستار ۇيىمدارىنىڭ، بۇقارالىق اقپارات قۇرالدارىنىڭ وكىلدەرى، سونداي-اق وبلىستار اكىمدەرى اپپاراتىنىڭ، سونداي-اق جەرگىلىكتى اتقارۋشى ورگانداردىڭ قارجىلىق قىزمەتتەرىنىڭ قىزمەتكەرلەرى ءۇشىن سەمينارلار وتكىزىلدى.
سايلاۋ ناۋقانى شەڭبەرىندەگى كەلەسى سەمينارلار وڭىرلەردىڭ سايلاۋشىلارمەن جۇمىس جونىندەگى call-ورتالىقتارىنىڭ قىزمەتكەرلەرى، كانديداتتاردىڭ سايلاۋالدى شتابتارىنىڭ، سايلاۋ جونىندەگى زاڭگەرلەر، سايلاۋدى ۇيىمداستىرۋعا جانە وتكىزۋگە جاۋاپتى جاو قىزمەتكەرلەرى، قۇقىق قورعاۋ جانە سوت ورگاندارىنىڭ، پروكۋراتۋرا ورگاندارىنىڭ قىزمەتكەرلەرى، قازاقستان رەسپۋبليكاسىنىڭ شەتەلدەگى وكىلدىكتەرىنىڭ جانىنان قۇرىلعان ۋچاسكەلىك سايلاۋ كوميسسيالارىنىڭ مۇشەلەرى ءۇشىن كوزدەلدى.
سونداي-اق وسى جىلدىڭ قازان جانە قاراشا ايلارىندا ورتالىق سايلاۋ كوميسسياسى مەن اقپارات جانە قوعامدىق دامۋ مينيسترلىگى پرەزيدەنتتىككە كانديداتتاردىڭ ۇگىت ناۋقانىن رەتتەۋ ماسەلەلەرى بويىنشا بۇقارالىق اقپارات قۇرالدارى ءۇشىن جانە سايلاۋدى ۇلتتىق بايقاۋدى جۇزەگە اسىرۋ ماسەلەلەرى بويىنشا ۇكىمەتتىك ەمەس ۇيىمدار ءۇشىن بىرلەسكەن سەمينارلار وتكىزۋ جوسپارلانۋدا.
