Armenıa, Qazaqstan, Qyrǵyzstan, Tájikstan jáne Ózbekstan kiretin Eýrazıalyq azamattyq avıasıa konferensıasy (EACAC) qatysýshy elderdiń avıasıalyq bıligi ókilderimen Almatyda alǵashqy otyrysyn ótkizdi, dep habarlaıdy Dalanews.kz.
EACAC álemdik sala ınstıtýttarymen – IKAO, Eýropalyq komısıa, IATA jáne basqa da halyqaralyq uıymdarmen jumys sheńberinde óz ustanymyn shoǵyrlandyrýǵa múmkindik beredi.
Baıqaýshy memleket retinde otyrysqa Mońǵolıanyń avıasıalyq bıliginiń ókilderi qatysty.
Otyrysty Qazaqstan Respýblıkasynyń Kólik vıse-mınıstri Talǵat Lastaev ashty.
"Eýrazıa óńirinde alǵash ret azamattyq avıasıa salasynda osyndaı deńgeıdegi uıym qurylýda. EACAC elderimizdiń avıasıalyq bılik oryndaryna tıimdi ózara is-qımyl jasaýǵa, ushý qaýipsizdigi, avıasıalyq qaýipsizdik, formaldylyqty jeńildetý, ornyqty damý, avıasıalyq personaldy daıarlaý salasynda tájirıbe, bilim jáne ozyq tájirıbemen almasýǵa múmkindik beredi jáne, eń bastysy, bolashaq syn-tegeýrinderge daıyndyq kezinde problemalyq máseleler boıynsha sheshimder ázirleý úshin negiz jasaıdy", - dep atap ótti vıse-mınıstr.
EACAC-tyń negizgi maqsaty – tıimdi úılestirý men ózara is-qımyldy jeńildete otyryp, Eýrazıa aımaǵyndaǵy múshe elderdiń avıasıalyq bılik oryndary arasynda yntymaqtastyq platformasyn qurý. Osy maqsatta is-sharaǵa qatysýshylar Azamattyq avıasıanyń Eýrazıalyq konferensıasyn qurý týraly deklarasıaǵa qol qoıdy. Qazaqstan tarapynan qujatty QR KM Azamattyq avıasıa komıtetiniń tóraǵasy Saltanat Tompıeva kýálandyrdy.
"Eýrazıalyq azamattyq avıasıa konferensıasy halyqaralyq avıasıalyq qoǵamdastyqta pikirler birligi men myqty ókildikti qamtamasyz etý isindegi elderimizdiń kúsh-jigerin jaqsyraq úılestirýge múmkindik beredi. Bul bastama úkimetterden de, saladan da aıtarlyqtaı qoldaý aldy. Biz qazir salalas – ACAO, AFCAC, ECAC, LACAC – jáne negizgi halyqaralyq uıymdarmen seriktestigimizdi nyǵaıta bastadyq", - dedi Qazaqstannyń avıasıalyq ákimshiliginiń bas dırektory Katalın Radý.
İs-shara barysynda Qazaqstannyń avıasıalyq ákimshiligin oqytý jónindegi Excellence Center jobasynyń, sondaı-aq "EASAS ınspektorlar bazasy" biryńǵaı platformasyn qurý jónindegi sheshimder tusaýkeserleri ótti.
Otyrys qorytyndysy boıynsha EASAS bas hatshysy bolyp Qazaqstan Respýblıkasynyń Kólik vıse-mınıstri Talǵat Lastaev, EASASprezıdenti bolyp Ózbekstan Respýblıkasy Kólik mınıstrligi janyndaǵy Azamattyq avıasıa agenttiginiń bas dırektory Tahır Nazarov taǵaıyndaldy.
EACAC mindetteriniń arasynda aımaqtyq yntymaqtastyq pen ózara qoldaýdy nyǵaıtý; ushý qaýipsizdigin, avıasıalyq qaýipsizdikti arttyrý, formaldylyqty jeńildetý, ushqyshsyz avıasıanyń turaqty ósýi men damýy úshin jalpy saıasattar men rásimderdi ázirleý jáne engizý, bul azamattyq avıasıanyń jáne basqa da baılanysty salalardyń tıimdi damýyna yqpal etedi; azamattyq avıasıanyń halyqaralyq standarttaryn jáne búkil aımaq boıynsha usynylǵan tájirıbelerdi úılestirý jáne engizý; óńir elderiniń avıasıalyq múmkindikterin nyǵaıtý jáne olardyń halyqaralyq avıasıalyq arenada bolýyn arttyrý; tehnıkalyq kómekkórsetý jáne avıasıalyq personaldy daıarlaýǵa qatysý, sondaı-aq óńirde tehnıkalyq resýrstardyń biryńǵaı "pýlyn" qurý bar.
Aıta keteıik, Azamattyq avıasıanyń Eýrazıalyq konferensıasyn (EACAC) qurý týraly bastama alǵash ret 2023 jylǵy mamyrda "Ortalyq Azıanyń turaqty damýy men tranzıttik áleýetin iske asyrý jolyndaǵy energetıkalyq kóshý" atty 1-shi Qazaqstandyq avıasıalyq dıalogty ótkizý sheńberinde aıtyldy. 2024 jyldyń sáýirinde Týlýzada (Fransıa) EACACjobasy IKAO Eýropalyq jáne Soltústik Atlantıkalyq búrosynyń (EURNAT-DGCA) azamattyq avıasıa bas dırektorlarynyń keńesi kezinde usynyldy.
