QR Premer-ministri Oljas Bektenov ákimdikterge kómirtegin azaitý boiynsha jobalarǵa qoldaý bildirýdi tapsyrdy. Ol «Atameken» Ulttyq kásipkerler palatasynyń jobalaryn mysal retinde atap ótti.
Búgingi Úkimet otyrysynda «Taza Qazaqstan» ekologiialyq aktsiiasynyń iske asyrylý barysy talqylandy.
«Atameken» UKP Basqarma tóraǵasy Raiymbek Batalov sharaǵa elimizdiń túkpir-túkpirinen 164 myńnan astam kásipker qatysqanyn aitty. Olardyń 4 myńǵa jýyǵy iri biznes, al 160 myńnan astamy shaǵyn jáne orta biznesti qurady. Sharaǵa qatysýshylar ekologiialyq tepe-teńdikti qalpyna keltirip, aýlalardy, eldi mekender men qalalardy tazalaýǵa belsene qatysty.
2024 jyldyń sáýiri men tamyzy aralyǵynda kásipkerler 189 myń tonnadan astam qoqys jinady, bul keltirilgen zalaldyń mólsherin, biznestiń áleýmettik jaýapkershiliginiń joǵary dárejesin kórsetti.
Qarasha aiynda ótken «Adal azamat. Adal eńbek. Adal biznes» atty Palata forýmynda ekologiiany qorǵap, ESG-tájiribelerin engizýge eleýli úles qosqan kásipkerlerge «Adal azamat» syilyǵy tabystaldy.
«Kásipkerler sý tasqynynan keiin qalpyna keltirý jumystaryna belsene qatysyp, aýmaq, saiabaqtardy, skverler men aýyldardy kógaldandyrýdy jalǵastyrýda», - dedi Batalov.
Sonymen qatar, biznes-qaýymdastyq ókili qarasha aiynda Palata qabyrǵasynda parniktik gazdar shyǵaryndylaryn satyp alý týraly kelisimge qol qoiý rásimi ótkenin de eske saldy.
Emission Removal purchase Agreement (ERPA) Almaty oblysynda iske asyrylyp jatqan Qazaqstandaǵy alǵashqy orman-klimattyq joba.
QR Premer-ministri Oljas Bektenov ekologiia úshin de, biznes úshin de ózara tiimdi bastamaǵa qoldaý bildirdi.
«Almaty oblysyndaǵy joba nazar aýdararlyq ári barlyq qoldaýǵa laiyqty. Osyndai jobalardy ózge óńirlerde de júzege asyrý qajet. Atalmysh jobaǵa men barlyq ákimdiktiń nazaryn aýdarýdy suraimyn»,- dedi Premer-Ministr.
Esterińizge sala keteiik, SEFE jáne SAFC birlestikteri sheteldik investitsiialardy tartý úshin keń múmkindikter ashýda.
Oń ekologiialyq áserden bólek, jobanyń qyzmeti jergilikti áleýmettik jáne ekonomikalyq ortaǵa áser etip, aýdan turǵyndaryn jumysqa ornalastyrý jáne oqytý múmkindikterin týǵyzady. Qysqarý boljamyna sáikes, 30 jylda 1,2 mln tonna SO2ekv, 1 jylda 1 gektarǵa 26 tonna SO2ekv joiylady.
Joba boiynsha seriktes retinde britandyq SEFE kompaniiasy kúrdeli salymdardan basqa jobany ázirleý, baqylaý, senimdilikti tekserý, sondai-aq marketingtik qyzmetterdi usynady.
Qol qoiylǵan kelisim ekologiialyq bastamalardy iske asyrýǵa baǵyttalǵan halyqaralyq yntymaqtastyqty damytýdaǵy mańyzdy qadam boldy. Osy kelisim aiasynda QR Premer-ministri Oljas Bektenovpen kezdesý ótip, onda pilottyq orman-klimattyq jobany iske asyrý úlgisi qaraldy.
Sol kezde Úkimet basshysy Oljas Bektenov orman el úshin basym baǵyt bolyp tabylatynyn atap ótti. Ol ekojúielerdi qalpyna keltirýge, kómirtegin azaitýǵa jáne jasyl ekonomikany damytýǵa bailanysty jobalarǵa sheteldik investitsiialardy tartý úshin jaǵdai jasaýǵa umtylatynyn atap ótti.
Búginde barlyq qajetti protsedýralar sátti aiaqtalyp, alǵashqy offteik-kelisimshartqa qol qoiyldy. Bul kómirtegi sharýashylyǵy salasyndaǵy óz bastamalaryn júzege asyrý úshin jinaqtalǵan tájiribeni paidalana alatyn basqa qatysýshylarǵa múmkindikter ashatyn mańyzdy qadam boldy.
Mundai jobalardy iske asyrý Qazaqstan ekonomikasyn ártaraptandyrýdyń jańa kezeńin bildiredi. Agro-indýstriialyq aimaqtar sheńberinde kómirtekti eginshilik tehnologiialary engizilýde. Bul aýylsharýashylyq óndirisinen paida tabýǵa, sonymen qatar parniktik gazdar shyǵaryndylarynyń saýdasynan qarajat tabýǵa múmkindik beredi.
Kelisimge qol qoiylǵany týraly baspasóz habarlamasyna
