Qazaqstan balalardyń ál-aýqatyn qamtamasyz etý jáne olardyń quqyqtaryn qorǵaý baǵytynda turaqty oń nátijeler kórsetip keledi, dep habarlaidy Dalanews.kz.
Oqý-aǵartý ministrliginiń dereginshe, balalar halyqtyń 34 paiyzyn quraidy. Iaǵni Qazaqstan halqynyń úshten biri – balalar. Sonymen qatar, olardyń sany jyl saiyn turaqty túrde ósip keledi. Mundai oń demografiialyq dinamika memleket tarapynan balalardy qorǵaýǵa baǵyttalǵan saiasi baǵyttyń tiimdi ekenininiń mańyzdy kórsetkishi. Halyqaralyq uiymdar, sonyń ishinde BUU Qazaqstannyń balalar quqyǵy men ál-aýqatyn qamtamasyz etý salasyndaǵy turaqty damýyn joǵary baǵalap otyr.
Balalardyń densaýlyǵy men damýyn qoldaý baǵytynda memleket erekshe nazar aýdaratyn salalardyń biri – sapaly tamaqtaný. 2023 jyldan bastap bastaýysh synyptardyń barlyq oqýshylary – 100% – memleket esebinen ystyq tamaqpen qamtamasyz etiledi. Bul shara 1,7 million oqýshyny qamtyp otyr. Al 953 myń balabaqsha tárbielenýshisi de tolyq tamaqtanýmen qamtamasyz etilgen. Mektepter men mektepke deiingi uiymdardaǵy ystyq tamaqqa jergilikti biýdjetterden 207,4 mlrd teńge bólingen.
IýNISEF-tiń MIKS-2024 derekteri boiynsha, Qazaqstandaǵy balalardyń tamaqtaný kórsetkishteri Eýropa jáne Ortalyq Aziia elderi deńgeiine sáikes keledi. Sarapshylar derekterdiń turaqtylyǵyn jáne kúrt ózgeristerdiń bolmaýyn atap ótip, bul memleket qabylǵan sharalardyń tiimdiligin kórsetetinin aitady.
Jalpy, eldegi joǵary týý kórsetkishi, balalar sanynyń turaqty artýy jáne olardyń ál-aýqatyn qoldaýǵa baǵyttalǵan memlekettik saiasat Qazaqstannyń demografiialyq damýyndaǵy oń tendentsiiany aiqyn kórsetedi.
