قازاقستان بالالاردىڭ ءال-اۋقاتىن قامتاماسىز ەتۋ جانە ولاردىڭ قۇقىقتارىن قورعاۋ باعىتىندا تۇراقتى وڭ ناتيجەلەر كورسەتىپ كەلەدى، دەپ حابارلايدى Dalanews.kz.
وقۋ-اعارتۋ مينيسترلىگىنىڭ دەرەگىنشە، بالالار حالىقتىڭ 34 پايىزىن قۇرايدى. ياعني قازاقستان حالقىنىڭ ۇشتەن ءبىرى – بالالار. سونىمەن قاتار، ولاردىڭ سانى جىل سايىن تۇراقتى تۇردە ءوسىپ كەلەدى. مۇنداي وڭ دەموگرافيالىق ديناميكا مەملەكەت تاراپىنان بالالاردى قورعاۋعا باعىتتالعان ساياسي باعىتتىڭ ءتيىمدى ەكەنىنىنىڭ ماڭىزدى كورسەتكىشى. حالىقارالىق ۇيىمدار، سونىڭ ىشىندە بۇۇ قازاقستاننىڭ بالالار قۇقىعى مەن ءال-اۋقاتىن قامتاماسىز ەتۋ سالاسىنداعى تۇراقتى دامۋىن جوعارى باعالاپ وتىر.
بالالاردىڭ دەنساۋلىعى مەن دامۋىن قولداۋ باعىتىندا مەملەكەت ەرەكشە نازار اۋداراتىن سالالاردىڭ ءبىرى – ساپالى تاماقتانۋ. 2023 جىلدان باستاپ باستاۋىش سىنىپتاردىڭ بارلىق وقۋشىلارى – 100% – مەملەكەت ەسەبىنەن ىستىق تاماقپەن قامتاماسىز ەتىلەدى. بۇل شارا 1،7 ميلليون وقۋشىنى قامتىپ وتىر. ال 953 مىڭ بالاباقشا تاربيەلەنۋشىسى دە تولىق تاماقتانۋمەن قامتاماسىز ەتىلگەن. مەكتەپتەر مەن مەكتەپكە دەيىنگى ۇيىمدارداعى ىستىق تاماققا جەرگىلىكتى بيۋدجەتتەردەن 207،4 ملرد تەڭگە بولىنگەن.
يۋنيسەف-تىڭ ميكس-2024 دەرەكتەرى بويىنشا، قازاقستانداعى بالالاردىڭ تاماقتانۋ كورسەتكىشتەرى ەۋروپا جانە ورتالىق ازيا ەلدەرى دەڭگەيىنە سايكەس كەلەدى. ساراپشىلار دەرەكتەردىڭ تۇراقتىلىعىن جانە كۇرت وزگەرىستەردىڭ بولماۋىن اتاپ ءوتىپ، بۇل مەملەكەت قابىلعان شارالاردىڭ تيىمدىلىگىن كورسەتەتىنىن ايتادى.
جالپى، ەلدەگى جوعارى تۋۋ كورسەتكىشى، بالالار سانىنىڭ تۇراقتى ارتۋى جانە ولاردىڭ ءال-اۋقاتىن قولداۋعا باعىتتالعان مەملەكەتتىك ساياسات قازاقستاننىڭ دەموگرافيالىق دامۋىنداعى وڭ تەندەنسيانى ايقىن كورسەتەدى.
