AQSh prezidenti Donald Tramp Reseige Ýkrainadaǵy soǵysty aiaqtaýǵa shaqyrdy. Ol Ýkrainamen beibit kelisim jasalmasa, Reseidiń AQSh pen basqa elderge satatyn barlyq taýarlaryna baj salyǵy, salyqtar jáne sanktsiialar engizetinin málimdedi, dep habarlaidy Dalanews.kz.
Óziniń TruthSocial áleýmettik jelisindegi jazbasynda Donald Tramp: «Men Reseige ziian keltirgim kelmeidi, orys halqyn jaqsy kóremin jáne árdaiym prezident Pýtinmen óte jaqsy qarym-qatynasta boldym», – dep jazdy. Ol sondai-aq: «Resei [AQSh-qa] Ekinshi dúniejúzilik soǵysta jeńiske jetýge kómektesti, 60 million adamynan aiyryldy», – dep qosty.
«Osynyń bárin eskere otyryp, men ekonomikasy quldyrap jatqan Reseige jáne prezident Pýtinge jaqsylyq jasaǵym keledi. Soǵysty qazir toqtatyńyz jáne bul aqymaq qaqtyǵysty aiaqtańyz! Jaǵdai tek qiyndai beredi», – dep jazdy AQSh prezidenti.
Tramp, eger Resei men Ýkraina «jaqyn arada» kelisimge kelmese, onyń «basqa amaly qalmaitynyn» jáne Reseidiń AQSh pen basqa elderge eksporttaityn barlyq taýarlaryna salyqty kóterip, baj salyǵy men sanktsiialar engizetinin aitty.
