Solaı degen májilis depýtaty Berik Dúısembıev qos azamattyǵy bar turǵyndardyń sany kóbeıip ketpeı me degen máseleni parlamentte kóterdi, dep habarlaıdy Dalanews.kz Aibat jańalyqtar qyzmetine siltep.
“Sońǵy oqıǵalarǵa baılanysty bizdiń elimizdiń azamattyǵyna qyzyǵýshylyq bildirýshiler óte joǵary bolyp tur. Beıbit, mamyrajaı ómir súrip jatqan elge kelýge bizdiń kórshilerimizdiń qyzyǵýshylyǵyn áleýmettik jeliden kórip otyrmyz”, – deıdi Berik Dúısembıev.
İshki ister mınıstrligi elimizde qazirdiń ózinde qos eldiń azamaty bolyp júrgen qansha adam baryn bilmeıtin bolyp shyqty. Sebebi Reseıge suraý jibergende salǵyrttyq tanytyp, naqty jaýap bermeıtin kórinedi.
Qazaqstandyq atanǵysy keletin azamattarǵa arnaıy talap bar.
“Arnaıy tekserýler bar. Óz eliniń azamattyǵynan birinshi shyǵý kerek. Ony dáleldeý kerek. Zańǵa qaıshy kelmese sodan keıin baryp qana bizdiń azamattyǵymyzǵa múshe bola alady”, – deıdi İİM orynbasary Marat Qojanov.
https://www.youtube.com/watch?v=-5kESgBzJes
