سولاي دەگەن ءماجىلىس دەپۋتاتى بەرىك دۇيسەمبييەۆ قوس ازاماتتىعى بار تۇرعىنداردىڭ سانى كوبەيىپ كەتپەي مە دەگەن ماسەلەنى پارلامەنتتە كوتەردى، دەپ حابارلايدى Dalanews.kz Aibat جاڭالىقتار قىزمەتىنە سىلتەپ.
“سوڭعى وقيعالارعا بايلانىستى ءبىزدىڭ ەلىمىزدىڭ ازاماتتىعىنا قىزىعۋشىلىق بىلدىرۋشىلەر وتە جوعارى بولىپ تۇر. بەيبىت، مامىراجاي ءومىر ءسۇرىپ جاتقان ەلگە كەلۋگە ءبىزدىڭ كورشىلەرىمىزدىڭ قىزىعۋشىلىعىن الەۋمەتتىك جەلىدەن كورىپ وتىرمىز”، – دەيدى بەرىك دۇيسەمبييەۆ.
ىشكى ىستەر مينيسترلىگى ەلىمىزدە ءقازىردىڭ وزىندە قوس ەلدىڭ ازاماتى بولىپ جۇرگەن قانشا ادام بارىن بىلمەيتىن بولىپ شىقتى. سەبەبى رەسەيگە سۇراۋ جىبەرگەندە سالعىرتتىق تانىتىپ، ناقتى جاۋاپ بەرمەيتىن كورىنەدى.
قازاقستاندىق اتانعىسى كەلەتىن ازاماتتارعا ارنايى تالاپ بار.
“ارنايى تەكسەرۋلەر بار. ءوز ەلىنىڭ ازاماتتىعىنان ءبىرىنشى شىعۋ كەرەك. ونى دالەلدەۋ كەرەك. زاڭعا قايشى كەلمەسە سودان كەيىن بارىپ قانا ءبىزدىڭ ازاماتتىعىمىزعا مۇشە بولا الادى”، – دەيدى ءىىم ورىنباسارى مارات قوجانوۆ.
https://www.youtube.com/watch؟v=-5kESgBzJes
