Birinshi jáne úlken top orystar men slavándar. Negizinen Reseıge kóship jatyr. Olardyń da arasynda bilimdi, talantty bar shyǵar. Biraq olardyń ketýine negizgi jáne basty sebep – memleket bolmysynyń jyl saıyn ózgerýi, qazaqylanýy.
Bizdegi orystildi qaýym úshke bólingen bolatyn. Qalamyn, ketemin, qazaqylandyra bastasa, janymdy qınasa ketemin deıtin. Búginde úshinshi shırektegiler óz tańdaýyn jasaı bastady. Bularǵa eshteńe dep aıta da almaımyz. Óz tańdaýy.
Ekinshi top – álemdi kórelik, oqıyq, bileıik degen jastar.
Úshinshi top – ekonomıkadan, saıasattan ábden túnerip, kúmandanǵan jastar.
Bizge qyzyqtysy da mańyzdysy da osy ekinshi jáne úshinshi top. Osy eki topty myqtap zertteý kerek. Ókinishke qaraı, tereń zertteýler az, al emosıa basym.
Buǵan taǵy eki máseleni qosa aıtý qajet:
a) elinen adamy ketpeıtin el joq. Bar elden ártúrli sebeppen adamdar kóship-qonyp jatady. Bul zańdy dúnıe. Soltústik Koreıa emespiz, tipti sonyń ózinen 22 myń adam qasha alǵan. Elden ketýge tyıym salynsa jaǵdaı múldem basqasha bolar edi. Árıne, elden ketip jatqandar men ketkisi keletinder degen áńgime bar. Reti kelse, shamasy jarasa olardyń legi múldem basqa bolary da haq. Bizdegi jaǵdaı keremet te emes, múldem nashar da emes. Ash-jalańash, qaıyqqa minip, teńiz asqan qazaq joq.
á) ókinishtisi, qazaq kóshi turalap qaldy. Buryn, áıteýir, elden ketkenderdiń sanyn shetten kelgen qazaqtar jaýyp otyratyn. Qazir ol da joq. Balanstyń buzylǵany anyq. Osy jaǵyn kóbirek aıtyp-kóterýimiz qajet sıaqty.
Aıdos Sarym, saıasattanýshy
Feısbýk paraqshasynan
