Maqpaldyń armany
Orys tilinde án salyp, Alla Pýgachevadan bata alýdy armandaıtyn jas ánshiler bizde jetip artylady. Olar – Maqpal Isabekova, Álisher Kárimov, Dılnaz Ahmadıeva. Reti kelgende oryssha jorǵalaı jóneletin Aıqyn Tólepbergendi de osy topqa qosýǵa bolady. Bári Batyrhan Shúkenovtiń jolyn qaıtalaǵysy keledi. Biraq Reseıge qaraı búıregi buryp turatyn bul ánshilerdi Reseı ánshileri esh ýaqytta talantty ánshi retinde moıyndaǵan emes.
Reseı shoý-bıznesiniń Madonnasy sanalatyn Alla apaı Maqpaldyń ónerin baǵalaǵan-syp, emeksitip qoıǵanyn bilemiz. Mine, sodan beri Maqpal qyz oryssha án shyrqaýyn údete túskenin bárimiz bilemiz. Sońǵy ýaqyttary qazaqshasynan góri orysshasy basym bolyp ketkeni de jasyryn emes.
Reseıdiń keýdemsoq saıasatkerleri sıaqty shoý-bıznestiń qulaǵyn ustaǵan ánshileri de oryssha án aıtatyn qazaq ánshilerin azyn-aýlaq tary shashyp, qasynda jaqyn ustaǵandy jaqsy kóredi. Al bizdiń ánshilerimiz bolsa, «bizdiń ónerimizdi baǵalady» dep máz bolyp júr. Shyndyǵynda orys ánshileri bizdiń ónerpazdardy esh ýaqytta moıyndaǵan emes. Moıyndamaıdy da. Al muny bizdikiler túsinbeıdi.
Máskeý bizge «ólshem» emes
Qolymyz óz aýzymyzǵa jetip, táýelsizdikke ıe bolǵan qazirgi zamanda Máskeý bizge ólshem bolmaýy tıis. Amal ne? Orys tiliniń kesirinen ázirshe ánshilerimiz Máskeýdiń qas-qabaǵyn ańdyp, solarǵa jipsiz baılanǵan.
Maqpal, Álisher, Aıqyn – bári-bári qazaq tilin bir kisideı biledi. Biraq olardyń orys tilinde án salyp, klıp túsirýge qumartyp turatynyn túsiný qıyn bolyp tur.
Ras, qalada týyp-ósken jastar qazaqtyń tól óneriniń ýyzyna qanyp ósken «MuzArt», Toqtar men Serik, Saıat, Dosymjandardyń ánderin tyńdamaıtyn shyǵar.
Bul rette qala jastary orys tilinde óńeshin jyrtyp án salyp júrgen jas ánshilerdi tyńdap júr dep aıta almaımyz. Olar batys pen orystyń ánshilerin tyńdaıdy. Birese qazaqsha, birese oryssha án salatyn Maqpal men Álisher qala jastary úshin qyzyq emes. So%
