Orys tilinde án salatyn qazaq ánshileriniń tyńdaýshysy bar ma?: 5 sáýir 2016

Keńes zamanynda ǵylym men ónerdegi myqtylarymyz Máskeýdi baǵyndyrýǵa kúsh salatyn-dy. Osy úrdis keibir salalarda áli kúnge deiin saqtalýda. Búginde orysshaǵa júirik keibir ǵalymdarymyz Resei arqyly álemdik ǵylymi qoǵamdastyqqa shyǵýdy kózdeidi. Árine, ǵylymǵa qatysty orystarmen tize qosyp áreket etýdi túsinýge bolady. Al sońǵy ýaqyttary Keńestik júieniń kesapatyn kórmegen jas ánshilerdiń Máskeýden bir jyly sóz estý úshin óńeshin sozyp, oryssha án salyp júrgenin qalai túsinýge bolady?

Maqpaldyń armany

Orys tilinde án salyp, Alla Pýgachevadan bata alýdy armandaityn jas ánshiler bizde jetip artylady. Olar – Maqpal Isabekova, Álisher Kárimov, Dilnaz Ahmadieva. Reti kelgende oryssha jorǵalai jóneletin Aiqyn Tólepbergendi de osy topqa qosýǵa bolady. Bári Batyrhan Shúkenovtiń jolyn qaitalaǵysy keledi. Biraq Reseige qarai búiregi buryp turatyn bul ánshilerdi Resei ánshileri esh ýaqytta talantty ánshi retinde moiyndaǵan emes.

Resei shoý-biznesiniń Madonnasy sanalatyn Alla apai Maqpaldyń ónerin baǵalaǵan-syp, emeksitip qoiǵanyn bilemiz. Mine, sodan beri Maqpal qyz oryssha án shyrqaýyn údete túskenin bárimiz bilemiz. Sońǵy ýaqyttary qazaqshasynan góri orysshasy basym bolyp ketkeni de jasyryn emes.

Reseidiń keýdemsoq saiasatkerleri siiaqty shoý-biznestiń qulaǵyn ustaǵan ánshileri de oryssha án aitatyn qazaq ánshilerin azyn-aýlaq tary shashyp, qasynda jaqyn ustaǵandy jaqsy kóredi. Al bizdiń ánshilerimiz bolsa, «bizdiń ónerimizdi baǵalady» dep máz bolyp júr. Shyndyǵynda orys ánshileri bizdiń ónerpazdardy esh ýaqytta moiyndaǵan emes. Moiyndamaidy da. Al muny bizdikiler túsinbeidi.

Máskeý bizge «ólshem» emes

Qolymyz óz aýzymyzǵa jetip, táýelsizdikke ie bolǵan qazirgi zamanda Máskeý bizge ólshem bolmaýy tiis. Amal ne? Orys tiliniń kesirinen ázirshe ánshilerimiz Máskeýdiń qas-qabaǵyn ańdyp, solarǵa jipsiz bailanǵan.

Maqpal, Álisher, Aiqyn – bári-bári qazaq tilin bir kisidei biledi. Biraq olardyń orys tilinde án salyp, klip túsirýge qumartyp turatynyn túsiný qiyn bolyp tur.

Ras, qalada týyp-ósken jastar qazaqtyń tól óneriniń ýyzyna qanyp ósken «MuzArt», Toqtar men Serik, Saiat, Dosymjandardyń ánderin tyńdamaityn shyǵar.

Bul rette qala jastary orys tilinde óńeshin jyrtyp án salyp júrgen jas ánshilerdi tyńdap júr dep aita almaimyz. Olar batys pen orystyń ánshilerin tyńdaidy. Birese qazaqsha, birese oryssha án salatyn Maqpal men Álisher qala jastary úshin qyzyq emes. So%

Orys tilinde án salatyn qazaq ánshileriniń tyńdaýshysy bar ma?

Oqi otyryńyz

Qazaqstan jahandyq bedel reitinginde kósh bastady

Qazaqstandyqtar nege ekpeden jii bas tartyp jatyr – sarapshy pikiri

Qazaqstanda azyq-túlik óndirisi 12%-ǵa artty