Astanadaǵy LRT vagondaryndaǵy jazýlar tek qazaq jáne aǵylshyn tilinde jazylǵan, dep habarlaidy Dalanews.kz.
Bul týraly Qaldybek Sabyrjan atty jeli qoldanýshysy jazdy. Sonymen qatar, ol vagonnyń ishin sýretke túsip, paraqshasynda jariialaǵan.
Aita keteiik, kúni keshe Astanadaǵy LRT-ǵa alǵashqy vagondardy ornata bastaǵan bolatyn.
Vagondar testileý rejimi bastalǵanǵa deiin ornatyla bastaidy.
11 maýsymda №101 stantsiiasyna alǵashqy LRT quramy kóterildi.
LRT jobasy zamanaýi qalalyq kólik infraqurylymyn damytýǵa, turǵyndardyń qozǵalys yńǵailylyǵy men jailylyǵyn arttyrýǵa baǵyttalǵan. Bul týraly City Transportation Systems kompaniiasynyń basqarma tóraǵasy Asylbek Dúisebaev málimdedi.
"Alǵashqy quramdy kóterý – jobany júzege asyrýdaǵy mańyzdy kezeń. Biz jumys kestesine sai jyljyp kelemiz jáne biylǵy kúzde LRT júielerin synaqtan ótkizýdi bastaimyz", – dedi ol.
Elordaǵa Qytaidan arnaiy jabdyqtalǵan avtotrailerlermen jeńil relsti kóliktiń alǵashqy eki quramy jetkizildi. LRT poiyzdarynyń qandai bolatynyn Astana ákimdiginiń baspasóz qyzmeti kórsetti.
Qala ákimi Jeńis Qasymbektiń aitýynsha, jeńil relsti kólikti jappai paidalanýǵa berý kelesi jyldyń naýryzyna deiin josparlanǵan. Buǵan deiin ol jol júrý aqysy 100-200 teńge aralyǵynda bolatynyn habarlaǵan edi.
