استاناداعى لرت ۆاگوندارىنداعى جازۋلار تەك قازاق جانە اعىلشىن تىلىندە جازىلعان، دەپ حابارلايدى Dalanews.kz.

بۇل تۋرالى قالدىبەك سابىرجان اتتى جەلى قولدانۋشىسى جازدى. سونىمەن قاتار، ول ۆاگوننىڭ ءىشىن سۋرەتكە ءتۇسىپ، پاراقشاسىندا جاريالاعان. 

ايتا كەتەيىك، كۇنى كەشە استاناداعى لرت-عا العاشقى ۆاگونداردى ورناتا باستاعان بولاتىن. 

ۆاگوندار تەستىلەۋ رەجيمى باستالعانعا دەيىن ورناتىلا باستايدى. 

11 ماۋسىمدا №101 ستانسياسىنا العاشقى LRT قۇرامى كوتەرىلدى. 

LRT جوباسى زاماناۋي قالالىق كولىك ينفراقۇرىلىمىن دامىتۋعا، تۇرعىنداردىڭ قوزعالىس ىڭعايلىلىعى مەن جايلىلىعىن ارتتىرۋعا باعىتتالعان. بۇل تۋرالى City Transportation Systems كومپانياسىنىڭ باسقارما ءتوراعاسى اسىلبەك دۇيسەبايەۆ مالىمدەدى.

"العاشقى قۇرامدى كوتەرۋ – جوبانى جۇزەگە اسىرۋداعى ماڭىزدى كەزەڭ. ءبىز جۇمىس كەستەسىنە ساي جىلجىپ كەلەمىز جانە بيىلعى كۇزدە LRT جۇيەلەرىن سىناقتان وتكىزۋدى باستايمىز"، – دەدى ول.

ەلورداعا قىتايدان ارنايى جابدىقتالعان اۆتوترايلەرلەرمەن جەڭىل رەلستى كولىكتىڭ العاشقى ەكى قۇرامى جەتكىزىلدى. LRT پويىزدارىنىڭ قانداي بولاتىنىن استانا اكىمدىگىنىڭ باسپا ءسوز قىزمەتى كورسەتتى.

قالا اكىمى جەڭىس قاسىمبەكتىڭ ايتۋىنشا، جەڭىل رەلستى كولىكتى جاپپاي پايدالانۋعا بەرۋ كەلەسى جىلدىڭ ناۋرىزىنا دەيىن جوسپارلانعان. بۇعان دەيىن ول جول ءجۇرۋ اقىسى 100-200 تەڭگە ارالىعىندا بولاتىنىن حابارلاعان ەدى.