Ordabasylyq órender robot qurastyryp, baǵdarlamalar jasaý múmkindigine ie boldy
Balalardyń qýanyshyna ortaqtasqan «Nur Otan» partiiasynyń Túrkistan oblysy boiynsha filialdy tóraǵasynyń orynbasary Qalyima Jantóreeva bul igilikke Elbasy Nursultan Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasy aiasynda qol jetkizilgenin, memleket damýynyń endigi kezeńi «Tsifrly Qazaqstan» júiesimen jalǵasatynyn, ol úshin jastarǵa úlken úmit artylatynyn atap ótti.
Al aýdan ákiminiń orynbasary Ańsarbek Ábdiqulov bul synypty jabdyqtaýǵa 9 mln. teńgeden astam qarjy qaralǵanyn, baǵdarlamalaý men robototehnikany tereńdetip úiretý úshin informatika pániniń muǵalimi arnaiy kýrstan ótkenin jetkizdi.
Aldaǵy ýaqytta IT-synypta kúnine jalpy 48-60 bala Eýropalyq bilim berý standarttary boiynsha baǵdarlamalaý jáne robototehnika negizderin oqytý, qarapaiym algoritmderdi, baǵdarlamalardy, WEB-saittar, kompiýterlik oiyndar men animatsiialar qurý daǵdylaryna úiretý júzege asyrylady. «Nur Otan» partiiasy aýdandyq filialy tóraǵasynyń birinshi orynbasary Bostandyq Jákei, aýdandyq bilim bóliminiń basshysy Shuǵa Nurabaeva mektep ujymy men oqýshylarǵa sáttilik tilep, elge tyń jańalyqtarmen tanylýlaryna tilektestik bildirdi.
Dalanews.kz
