Ordabasyǵa tartylǵan investitsiia 3 mlrd. teńgeden asty
Aýdanda 57 jobaǵa biýdjetten qarjy bólinip, jumys júrgizilýde. Aýyz sýmen qamtý boiynsha 57 eldimekenniń 39-y táýligine 24 saǵat boiy qubyrly aýyz sýmen qamtylǵan. Al 18 eldimeken turǵyndary qudyq sýyn paidalanady. Jalpy alǵanda aýdan halyqynyń 89,7 paiyzy qubyrly aýyz sýmen qamtylǵan. Aýdan biýdjeti esebinen 1 eldimekenniń aýyz sý júiesi jóndeýden ótip, 3 eldimekendi aýyz sýmen qamtamasyz etý boiynsha jobalyq smetalyq qujattamalary daiyndalyp, qazirgi tańda saraptamadan ótkizý jumystary júrgizilýde.
Oblystyq biýdjet esebinen Spataev aýylyna aýyz sý qubyry qurylysy júrgizilýde.
Gazdandyrý isi boiynsha da ilgerileý oryn alýda. “Beineý-Shymkent” magistraldy gaz qubyrynan Temirlan eldimekeni arqyly Arys qalasyna deiin tartylatyn gaz qubyryn salý qurylysy» jobasyn osy jyly aiaqtalady dep josparlanýda.
Elektr energiiasy salasy boiynsha aitsaq, 2017 jyly «Ońtústik Jaryq Tranzit» JShS-niń investitsiialyq baǵdarlamasy aiasynda qosalqy stantsiiasynan shyǵatyn uzyndyǵy 38,101 shaqyrym elektr jelileriniń symdary, 894 dana aǵash baǵanalary jyl sońyna deiin aýystyrylady.
Sol siiaqty 2017 jylǵa jalpy uzyndyǵy 37,9 shaqyrym ishki kóshelerge ortasha jáne 30,1 shaqyrym ishki kóshelerge kúrdeli jóndeý jumystaryn júrgizýge JSQ ázirleý úshin qarjy qaraldy. «Óńirlerdi damytý – 2020» baǵdarlamasy aiasynda aýyl okrýgterdiń ishki kóshelerine ortasha jóndeý jumystary júrgizilýde.
