اۋداندا 57 جوباعا بيۋدجەتتەن قارجى ءبولىنىپ، جۇمىس جۇرگىزىلۋدە. اۋىز سۋمەن قامتۋ بويىنشا 57 ەلدىمەكەننىڭ 39-ى تاۋلىگىنە 24 ساعات بويى قۇبىرلى اۋىز سۋمەن قامتىلعان. ال 18 ەلدىمەكەن تۇرعىندارى قۇدىق سۋىن پايدالانادى. جالپى العاندا اۋدان حالىقىنىڭ 89،7 پايىزى قۇبىرلى اۋىز سۋمەن قامتىلعان. اۋدان بيۋدجەتى ەسەبىنەن 1 ەلدىمەكەننىڭ اۋىز سۋ جۇيەسى جوندەۋدەن ءوتىپ، 3 ەلدىمەكەندى اۋىز سۋمەن قامتاماسىز ەتۋ بويىنشا جوبالىق سمەتالىق قۇجاتتامالارى دايىندالىپ، قازىرگى تاڭدا ساراپتامادان وتكىزۋ جۇمىستارى جۇرگىزىلۋدە.
وبلىستىق بيۋدجەت ەسەبىنەن سپاتايەۆ اۋىلىنا اۋىز سۋ قۇبىرى قۇرىلىسى جۇرگىزىلۋدە.
گازداندىرۋ ءىسى بويىنشا دا ىلگەرىلەۋ ورىن الۋدا. “بەينەۋ-شىمكەنت” ماگيسترالدى گاز قۇبىرىنان تەمىرلان ەلدىمەكەنى ارقىلى ارىس قالاسىنا دەيىن تارتىلاتىن گاز قۇبىرىن سالۋ قۇرىلىسى» جوباسىن وسى جىلى اياقتالادى دەپ جوسپارلانۋدا.
ەلەكتر ەنەرگياسى سالاسى بويىنشا ايتساق، 2017 جىلى «وڭتۇستىك جارىق ترانزيت» ءجشس-نىڭ ينۆەستيسيالىق باعدارلاماسى اياسىندا قوسالقى ستانسياسىنان شىعاتىن ۇزىندىعى 38،101 شاقىرىم ەلەكتر جەلىلەرىنىڭ سىمدارى، 894 دانا اعاش باعانالارى جىل سوڭىنا دەيىن اۋىستىرىلادى.
سول سياقتى 2017 جىلعا جالپى ۇزىندىعى 37،9 شاقىرىم ىشكى كوشەلەرگە ورتاشا جانە 30،1 شاقىرىم ىشكى كوشەلەرگە كۇردەلى جوندەۋ جۇمىستارىن جۇرگىزۋگە جسق ازىرلەۋ ءۇشىن قارجى قارالدى. «وڭىرلەردى دامىتۋ – 2020» باعدارلاماسى اياسىندا اۋىل وكرۋگتەردىڭ ىشكى كوشەلەرىنە ورتاشا جوندەۋ جۇمىستارى جۇرگىزىلۋدە.
