Ordabasy aýdany Temirlan aýylyndaǵy Shoqan Ýálıhanov atyndaǵy mektep-gımnazıanyń túlegi Jánibek Ábilhan Ulttyq biryńǵaı testileýde 140 upaı jınap, respýblıkalyq kórsetkish boıynsha eń joǵary nátıjege qol jetkizdi, dep habarlaıdy Dalanews.kz
Jánibek – kópbalaly otbasynan shyqqan eńbekqor oqýshy. Ol 1-synyptan bastap sol mektepte bilim alyp, úzdik oqýshylar qatarynan kórinip keledi. UBT-ǵa júıeli túrde daıyndalǵan Jánibek 10-synyptan bastap beıindik pánderin anyqtap, ınformatıkaǵa basymdyq bergen.
Jánibek bolashaqta İT salasynda maman bolýdy maqsat etedi jáne Qazaqstandaǵy bedeldi joǵary oqý oryndarynyń birine oqýǵa túsýdi josparlap otyr.
