Eki kúnge sozylǵan oqý jattyǵýdyń alǵashqy kúni qulaqtandyrý júıeleri iske qosylyp, daıyndyǵy tekserildi. Dúrlikpe týdyrmaý maqsatynda turǵyndar arasynda aldyn ala túsindirý jumystary júrgizilgen.
Ekinshi kúni, ıaǵnı, búgin qys kezinde tótenshe jaǵdaılarǵa tartylatyn barlyq avarıalyq qutqarý qyzmetteriniń jeke quramy men tehnıkalaryn ortalyq alańǵa jınap, daıyndyǵy tekserildi.
Óz kezeginde aýdandaǵy tótenshe jaǵdaılar qyzmetinde eńbek etetin mamandar qandaı oqıǵa bolsa da aýyzdyqtap, onyń aldyn alýǵa saqadaı saı ekenderin naqty ispen kórsetti.
Aýdan ákiminiń orynbasary, tótenshe jaǵdaılardyń aldyn alý jáne joıý jónindegi komısıanyń tóraǵasy Oralbaev Azat, aýdandyq Tótenshe jaǵdaılar bóliminiń bastyǵy, azamattyq qorǵaý podpolkovnıgi Qospanov Jomart issharanyń mańyzdylyǵyna toqtalyp, der kezinde qajetti kómekti kórsetý úshin tehnıkalardy árdaıym kútip ustaýǵa shaqyrdy.
Aýdandyq tótenshe jaǵdaılardyń aldyn alý jáne joıý jónindegi komısıa hatshysy Nurlybek Sultanhanov osyndaı qysqa daıyndyq issharalary barlyq aýyl okrýginde júrgizilgenin habarlady.
Dalanews.kz
