ەكى كۇنگە سوزىلعان وقۋ جاتتىعۋدىڭ العاشقى كۇنى قۇلاقتاندىرۋ جۇيەلەرى ىسكە قوسىلىپ، دايىندىعى تەكسەرىلدى. دۇرلىكپە تۋدىرماۋ ماقساتىندا تۇرعىندار اراسىندا الدىن الا ءتۇسىندىرۋ جۇمىستارى جۇرگىزىلگەن.
ەكىنشى كۇنى، ياعني، بۇگىن قىس كەزىندە توتەنشە جاعدايلارعا تارتىلاتىن بارلىق اۆاريالىق قۇتقارۋ قىزمەتتەرىنىڭ جەكە قۇرامى مەن تەحنيكالارىن ورتالىق الاڭعا جيناپ، دايىندىعى تەكسەرىلدى.
ءوز كەزەگىندە اۋدانداعى توتەنشە جاعدايلار قىزمەتىندە ەڭبەك ەتەتىن ماماندار قانداي وقيعا بولسا دا اۋىزدىقتاپ، ونىڭ الدىن الۋعا ساقاداي ساي ەكەندەرىن ناقتى ىسپەن كورسەتتى.
اۋدان اكىمىنىڭ ورىنباسارى، توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ ءتوراعاسى ورالبايەۆ ازات، اۋداندىق توتەنشە جاعدايلار ءبولىمىنىڭ باستىعى، ازاماتتىق قورعاۋ پودپولكوۆنيگى قوسپانوۆ جومارت ءىسشارانىڭ ماڭىزدىلىعىنا توقتالىپ، دەر كەزىندە قاجەتتى كومەكتى كورسەتۋ ءۇشىن تەحنيكالاردى ءاردايىم كۇتىپ ۇستاۋعا شاقىردى.
اۋداندىق توتەنشە جاعدايلاردىڭ الدىن الۋ جانە جويۋ جونىندەگى كوميسسيا حاتشىسى نۇرلىبەك سۇلتانحانوۆ وسىنداي قىسقا دايىندىق ءىسشارالارى بارلىق اۋىل وكرۋگىندە جۇرگىزىلگەنىن حابارلادى.
Dalanews.kz
