Ordabasy aýdanynda kásibi memlekettik apparat mindetteri talqylandy
Mańyzdy basqosýǵa Sybailas jemqorlyqqa qarsy is-qimyl ulttyq biýrosy Túrkistan oblysy boiynsha departamenti Sairam aimaǵy boiynsha aýdanaralyq basqarmasynyń basshysy A.Álishtiń qatysty.
Jiynda Qazaqstan Respýblikasynyń Prezidenti N.Nazarbaevtyń «100 naqty qadam — Ult jospary» baǵdarlamasynyń alǵashqy 15 qadamy kásibi memlekettik apparat qurý jáne sybailas jemqorlyqqa qarsy kúres taqyryby talqylanyp, kún tártibine qoiylǵan máseleler jan-jaqty talqylandy.
Ár memlekettiń jyldar boiy qalyptasqan ózindik damý joly bar. Órkenietti degen sol elderdiń bai tájiribesine qarap, memlekettik qyzmet salasyndaǵy ǵasyrlardan beri qalyptasyp kele jatqan sheneýniktik dástúrin ańǵarýǵa bolady. Urpaqtan-urpaqqa jalǵasyn tapqan bul úrdis sandaǵan «memleketshil» áýletterdi ómirge alyp keldi. Olardyń halyq qamyn oilaýǵa degen yntasyn arttyrý úshin ártúrli áleýmettik paketter men jeńildikter qarastyryldy. Sonyń arqasynda keibir elderde sybailas jemqorlyq áreketterine tózbestik orta qalyptastyryldy jáne turǵyndardyń problemasyn jedel sheshýdiń san tetikteri júzege asyryldy.
Elimiz de «100 naqty qadam» – Qazaqstan Respýblikasynyń damyǵan memleketterdiń otyzdyǵyna kirý jónindegi jospary arqyly órkeniettiń órine kóterilýdi – basty maqsat etip otyr.
Árine, memlekettik qyzmetke ádep normalaryn qatań saqtaityn jáne de memleket múddesin bárinen de joǵary qoiatyn adamdardy tárbielep, olardy qyzmetke tartý ońai sharýa emes. Sondyqtan 5 institýttyq reformanyń alǵashqy 15 qadamynyń kásibi memlekettik apparat qurýǵa arnalǵanynan kóp jaitty ańǵarýǵa bolady.
Basqosý barysynda Ǵ.Tursynbaev pen A.Álish baiandamalar jasap, qozǵalyp otyrǵan máselelerdi jan-jaqty túsindirdi.
Osy jiynnan keiin Ǵ.Tursynbaev «Nur Otan» partiiasynyń aýdandyq filialynda bir top adamǵa qabyldaý júrgizip, túitkildi máselelerin tyńdady. Qabyldaýǵa aýdan ákiminiń mindetin ýaqytsha atqarýshy Ǵ.Úsenbaev qatysty.
Dalanews.kz
