Ordabasy aýdany ortalyǵy Temirlanda úsh mekteptiń qurylysy bastaldy
Qazirgi tańda aýdan ortalyǵyndaǵy Amangeldi Imanov atyndaǵy jáne «Temirlan» jalpy orta mektepteri úsh aýysymda bilim berýde. «Temirlan» mektebiniń 600 oryndyq jańa ǵimaratynyń qurylysyn «A.R.T. Qurylys» jaýapkershiligi shekteýli seriktestigi júrgizýde. Búginge deiin bul mekteptiń oqýshylary yńǵailastyrylǵan ǵimaratta bilim alyp keldi.
Al, Baikal aýmaǵynan salynatyn 300 oryndyq mektep Amangeldi Imanov atyndaǵy mekteptegi úsh aýysymdyq oqytý máselesin sheshedi dep kútilýde.
Bul mektep 640 balaǵa arnalǵan, qazirgi tańda 1542 oqýshy bilim alýda. Mundaǵy qurylys jumystaryn «MTS-Tólegen» jaýapkershiligi shekteýli seriktestigi júzege asyrýda. Sonymen qatar, aýdan ortalyǵynan 600 oryndyq taǵy bir tiptik mektep qurylysyn «Avtoremstroi LTD» jaýapkershiligi shekteýli seriktestigi bastady. Bul úsh nysan 2019 jyly paidalanýǵa beriledi dep josparlanǵan.
Atalǵan mektepter salynyp bitkende Ordabasy aýdanyndaǵy úsh maýsymdy mektepterdiń sany kemipip, jaǵdai birshama retteledi. Memleket basshysy Nursultan Nazarbaevtyń ózi úsh aýsymdy mektepterdi joiý týrasynda tapsyrma bergeni belgili. Sondyqtan bul baǵyttaǵy jumystar jas urpaq úshin jasalynyp otyrǵan mańyzdy qadam dep qarastyrýǵa bolady.
Túrkistan oblysy ákiminiń baspasóz qyzmeti
