13 mamyrda musylman qaýymy úshin ulyq mereke – Oraza ait bastaldy. Meiramnyń birinshi kúni meshitterde jamaǵatpen ait namazy oqylady.
12 mamyr – qasietti Ramazan aiynyń sońǵy kúni. Al búginnen bastap musylman álemi otyz kún orazadan keiin Sháýýal aiynyń alǵashqy úsh kúninde Oraza ait merekesin toilaidy.
Ait sóziniń ózi "mereke", "meiram" degen maǵynany bildiredi.
Ait namazy qalai oqylady
Oraza ait merekesiniń negizgi sharty – meiram ait namazyn oqýmen bastalady. Ait namazy meshitterde tańerteń erte jamaǵatpen oqylady. Paiǵambarymyz Muhammed (s.ǵ.s.) óz ósietinde: "Ait kúni birinshi oryndaitynymyz – namaz oqý", - degen.
Ár musylman ait namazyna jýynyp-shaiynyp, dáret alyp, eń ádemi ári taza kiimderin kiip, ústine hosh iis seýip barady.
Sonymen qatar, meshitke barmas buryn bir-eki qurma jep, dám aýyz tigen abzal. Bul orazanyń aiaqtalǵanynyń belgisi.
Biyl pandemiiaǵa qaramastan ait namazyn meshit aýlalarynda oqýǵa ruqsat etildi. Adamdar betperde kiiý, ara qashyqtyqty saqtaý siiaqty sanitarlyq talaptardy saqtaýǵa tiis.
Namazǵa deiin pitir sadaqany berip tastaý
Pitir sadaqa Ramazan aiynda beriledi. Eger kimde-kim pitir sadaqany áli bermese, Oraza ait namazy oqylǵanǵa deiin berip tastaýy qajet. Ait namazynan keiin berilgen pitir sadaqa jai sadaqa bolyp qalady.
Biyl pitir sadaqanyń mólsheri – jan basyna 420 teńge. Jaǵdaiy bar adamdar ony meiizdiń nemese qurmanyń baǵasymen bere alady. Qazirgi kezde eki keli meiiz 3 580 teńge turady. Sondai-aq, 4 keli qurmanyń qunymen berýge bolady. Onyń baǵasy – 7 300 teńge.
Oraza ait kúni aýyz bekitýge bola ma
Oraza aittyń tańynda sáresi ishilmeidi, kúndiz aýyz ashyq bolady.
Oraza ait dastarqan jaiyp, dámnen aýyz tietin kún bolǵandyqtan, Oraza aittyń birinshi kúni aýyz bekitýge tyiym salynǵan.
Ramazan aiynan qalǵan qaza orazany aittyń ekinshi kúni, iaǵni 14 mamyrdan bastap ustai berýge bolady.
Oraza ait qalai toilanady
Oraza ait kúnderi árbir musylmannyń shańyraǵynda baýyrsaq pisirilip, et asylyp, merekelik mol dastarqan jaiylady. Týǵan-týysqandar, kórshi-qolań bir-birine qonaqqa baryp, Ait merekesimen quttyqtaidy, syilyq beredi.
Dástúr boiynsha bul kúni musylmandar bir-birine "Oraza ait qabyl" bolsyn" dep jyly lebizderin bildiredi.
Renjisip qalǵan aǵaiyn-týys, jora-joldas bir-birinen keshirim surap, ókpe-nazyn umytady.
Sonymen qatar, Oraza ait merekesinde turmysy tómen otbasylarǵa, jetim-jesirlerge qol ushyn sozǵan abzal.
Derekkóz: sputnik.kz
