Batys Qazaqstan oblysynda úıdegi órtten keıin egde jastaǵy áıeldiń máıiti tabyldy, dep habarlaıdy Dala News.

«Moı Gorod» portalynyń málimetinshe, marqumnyń denesinde zorlyq-zombylyq belgileri anyqtalmaǵan.

«Máıitte zorlyq-zombylyq belgileri joq. Ólimniń naqty sebebin anyqtaý úshin sot-medısınalyq saraptama taǵaıyndaldy», – dep habarlady vedomstvo.

Jergilikti BAQ-tyń dereginshe, 1950 jyly týǵan áıeldiń denesi 27 aqpan kúni shamamen saǵat 17:30-da Oral qalasyndaǵy Taımanov kóshesinde ornalasqan úılerdiń birinen shyqqan órtten keıin tabylǵan.

Qazirgi ýaqytta ólimniń naqty sebebi sot-medısınalyq saraptama qorytyndysynan keıin belgili bolady.

Al Batys Qazaqstan oblystyq tótenshe jaǵdaılar departamentinen jýrnalıser ázirge resmı túsinikteme ala almaǵan.